Hec est finalis concordia facta in curia domini regis apud Ebor in crastino sancti Andree anno regni regis H filii regis Johannis xi coram Roberto de Veteri Ponte Johanne filio Roberti Martin de Pateshill Briano de Insula W de Insula Ricardo Duket justiciariis itinerantibus et aliis domini regis fidelibus tunc ibi presentibus inter Stephanum abbatem de Sallai querentem et Adam de Winckedeleg[] et Christianam uxorem ejus deforciantes per Willelmum de Hunesflet positum loco ipsorum Ade et Christiane ad lucrandum vel perdendum de tribus bovatis terre cum pertinenciis in Scothorpa unde placitum warancie carte summonitum fuit inter eos in eadem curia scilicet quod predicti Ada et Christiana recognoverunt totam predictam terram cum pertinenciis esse jus ipsius abbatis et ecclesie sancte Marie de Sallai ut illa quam idem abbas habet ex dono ipsorum habend et tenend eidem abbati et successoribus suis et ecclesie sancte Marie de Sallai inperpetuum in forinsecum servicium quantum ad eandem terram pertinet pro omni servicio et exaccione et pro hac recognicione fine et concordia predictus abbas concessit eisdem Ade et Christiane medietatem tocius terre cum pertinenciis que vocatur Sunderland illam scilicet medietatem versus occidentem habend et tenend eisdem Ade et Christiane et heredibus ipsius Christiane de predicto abbate et successoribus suis et predicta ecclesia sancte Marie inperpetuum reddendo inde per annum xij d ad festum sancti Andree pro omni servicio et exaccione

Source Fulltext: Chartulary of the Cistercian Abbey of St. Mary of Sallay in Craven. Joseph MacNulty. Yorkshire Archaeological Society, V.87. Yorkshire Archaeological Society. West Yorkshire Print Co. Wakefield. 1933.