Inspeximus etiam quoddam aliud scriptum cirographatum inter Reginaldum de Albo Monasterio et predictos priorem et conventum confectum in hec verba A D mcclxxxiii in octabis S Matthei Apostoli convenit inter priorem et conventum de Parcho de Helagh ex una parte et Reginaldum de Albo Monasterio dominum de Wychale ex altera de communa pasture in parco de Wychale et de duabus clausuris in eodem parco in quo parco fidem prior et conventus habent communam pasture singulis annis imperpetuum a festo Invencionis sancte Crucis usque ad festum S Michaelis ad xxxi grossa animalia et tempore pannagii ad xxxi porcos sine agistamento et pannagio videlicet quod dictus Reginaldus concessit pro se et heredibus suis predictis priori et conventui et successoribus suis quod ipsi de cetero habeant in veteri clausura viii boves de dominicis bobus suis vel aliis quos melius voluerint pascentes cum dominicis bobus dicti Reginaldi ab eo tempore quo boves ejusdem Reginaldi in eandem clausuram introierint cum libero introitu et libero exitu et totidem animalia de numero xxxi grossorum animalium interim de predicto Parcho movebuntur Et in tempore pannagii in haiis circuiuntibus veterem clausuram et novam si quam dictum Reginaldum vel heredes vel assignatos suos levare contigerit in eodem parcho fiant foramina et aperciones per que vel quas porci predictorum prioris et conventus et successorum suorum commode et libere ingredi possint ubique in dictas clausuras sine impedimento quolibet et sine agistamento et pannagio et aliqua demanda pro hiis autem omnibus predictis predicti prior et conventus concesserunt pro se et successoribus suis quod nova clausura de novo levata in dicto parcho que continet xx acras set inclusa per quattuor annos a tempore levacionis ejusdem que post finem dictorum quattuor annorum prosternetur et penitus amovebitur ut dicta animalia prioris et conventus et successorum suorum ibidem sicut alibi in parco predicto libere pascere possunt quam quidem clausuram si forte dictus Reginaldus vel heredes ejus sive assignati post terminum predictum prosternere noluerint vel contradixerint licebit predictis priori et conventui et eorum successoribus absque contradiccione vel impedimento dicti Reginaldi et heredum vel assignatorum suorum ipsam prosternere et funditus amovere Et si dictus Reginaldus aliquam aliam clausuram levare et includere voluerit post finem dictorum quattuor annorum hoc erit per assensum dictorum prioris et conventus et eorum successorum et dicti Reginaldi et heredum suorum ita quod non excedat numerum acrarum nec terminum annorum clausure supradicte salva semper dictis priori et conventui et eorum successoribus sufficienti pastura in predicto parcho ad grossa animalia sua predicta ita quod vetus clausum imperpetuum stet inclusa salva predictis priori et conventui et eorum successoribus in eadem clausura pastura ad octo boves ut supra dictum est Et si contingat quod dicti prior el conventus vel successores sui super hoc consentire noluerint vel forte non poterint bonorum virorum arbitrio ex consensu utriusque partis eligendorum negotium discucietur et tali discrecione ac moderamine terminetur ut neutri parti cedat in dampnum vel gravamen Et quia mota fuit contencio inter partes predictas super piscariam in aqua de Werf tandem pro bono pacis ita convenit inter easdem videlicet quod predicti prior et conventus concesserunt pro se et successoribus suis predicto Reginaldo et heredibus suis quod libere possint piscari in predicta aqua de Werf per totum feodum eorundem prioris et conventus quamcumque voluerint tam per homines suos dominicos quam per alios cuicumque vel quibuscumque piscariam suam dimittere voluerint Et eodem modo predictus Reginaldus concessit pro se et heredibus suis predictis priori et conventui et successoribus suis quod libere et sine impedimento ipsius Reginaldi vel heredum suorum sive aliquorum ex parte eorundem possint piscari in predicta aqua per totum feodum predicti Reginaldi ubicumque et quamcunque voluerint tam per homines suos dominicos quam per alios quibuscumque piscariam suam ad firmam dimittere voluerint Et ut hec omnia premissa ex nunc imposterum perpetue firmitatis robur optineant predicti prior et conventus uni parti istius scripti cirographati sigillum capituli sui apposuerunt et predictus Reginaldus alteri parti sigillum suum apposuit Hiis testibus Dominis Briano filio Alani Johanne de Bella Aqua Stephano de Waleus Radulpho de Normauill Roberto de Holm militibus Alano de Folifait Johanne de Walton Ricardo Cissore de Torparches Waltero clerico de Esedic Willelmo de Homyngton clerico et aliis

Source Fulltext: Chartulary of the Augustinian Priory of St. John the Evangelist of the Park of Healaugh. J. S. Purvis. Yorkshire Archaeological Society, V.92. Yorkshire Archaeological Society. West Yorkshire Print Co. Wakefield. 1936.