Omnibus Christi fidelibus has litteras visuris vel audituris Rogerus de Moubray salutem eternam in domino Noveritis me concessisse et quietas clamasse de me et heredibus meis imperpetuum ab omni servicio seculari et exaccione secta curie consuetudine et demanda et presenti scripto meo confirmasse Deo et beate Marie et sancto Johanni Evangeliste de Parco de Helagh et canonicis ibidem Deo servientibus pro salute anime mee et antecessorum et heredum meorum in liberam puram et perpetuam elemosinam omnes terras tenementa et pasturas et quecumque bona ipsi habent in feodo meo ubicumque fuerint et precipue scitum loci sui et prioratum qui est infra Parcum de Helagh cum saltibus et assartis et cum toto nemore suo cum solo et cum omnibus infra contentis et omnibus libertatibus et pertinenciis suis que habent in territorio de Helagh Et terras et tenementa que habent in Wyhal in Esedike in Walton in Thorp in Touleston in Katertona in Bilton in Ascham in Eboraco in Marton in Tokewyth in Thresc cum omnibus ad dictas terras suas pertinentibus Et preter alias terras suas si quas habent extra predictas villas in feodo meo secundum tenorem cartarum quas inde habent tenend et habend omnia predicta in liberam puram et perpetuam elemosinam sibi et successoribus suis imperpetuum adeo libere et pure sicut elemosina liberius purius et quiecius dari potest aut teneri que omnia predicti canonici adepti sunt a principio fundacionis domus sue de Parco usque ad diem qua facta fuit ista confirmacio scilicet usque ad diem Palmarum Anno Gracie mccliv Et ut hec mea concessio quieta clamacio et confirmacio rata permaneat imperpetuum presens scriptura sigilli mei impressione roboravi Hiis testibus domino Johanne de Cauntfeld tunc seneschallo Alano de Catherton Egidio de Catherton et aliis

Source Fulltext: Chartulary of the Augustinian Priory of St. John the Evangelist of the Park of Healaugh. J. S. Purvis. Yorkshire Archaeological Society, V.92. Yorkshire Archaeological Society. West Yorkshire Print Co. Wakefield. 1936.