Omnibus Christi fidelibus hoc scriptum inspecturis Ricardus filius Roberti de Tokwith eternam in domino salutem Noveritis me dedisse et concessisse priori de Parco de Helagh et ejusdem loci conventui totam terram cum tofto et crofto et cum omnibus pertinenciis suis in villa et territorio de Tokwith quam habui in custodia mea de Thoma filio Willelmi ejusdem ville usque ad legitimam etatem suam scilicet usque ad terminum quattuordecim annorum salvo michi maritagio ejusdem Thome tenend et habend predictis priori et conventui usque ad terminum predictum plene completum libere quiete pro omni servicio seculari exaccione et demanda Et ego Ricardus et heredes mei predictam terram cum tofto et crofto et cum omnibus pertinenciis suis predictis priori et conventui usque ad terminum predictum plene completum contra omnes gentes warantizabimus adquietabimus et defendemus In cujus rei testimonium presenti scripto sigillum meum apposui Hiis testibus domino Thoma de Merston domino Henrico Walens militibus Henrico Sakespye de Wyhale et aliis Acta apud Tokwith vi Id Jul anno gracie mcclx quinto

Source Fulltext: Chartulary of the Augustinian Priory of St. John the Evangelist of the Park of Healaugh. J. S. Purvis. Yorkshire Archaeological Society, V.92. Yorkshire Archaeological Society. West Yorkshire Print Co. Wakefield. 1936.