Omnibus Christi fidelibus hoc scriptum visuris vel audituris Henricus de Percy filius et heres domini Henrici de Percy eternam in domino salutem Noveritis me pro salute anime mee parentum heredum et omnium antecessorum et successorum meorum concessisse relaxasse et omnino de me et heredibus meis inperpetuum quietumclamasse Deo et beate Marie et domui sancti Johannis Evangeliste de Parco de Helagh et canonicis ibidem Deo servienti bus in liberam puram et perpetuam elemosinam totum jus et clameum quod habui vel habere potui in advocacione medietatis ecclesie de Lelay cum pertinenciis unde placitum aliquando vertebatur inter me et predictos religiosos in curia domini regis apud Westmonasterium ita videlicet quod nec ego nec heredes mei nec aliquis ex parte nostra aliquid juris vel clamei in predicta advocacione cum pertinenciis de cetero exigere vel vendicare poterimus in perpetuum In cujus rei testimonium presens scriptum sigilli mei munimine roboravi Hiis testibus Johanne de Bella Aqua Willelmo le Vauasur Petro de Lund militibus Alano de Folifait Roberto Bustard Willelmo le Cerf et aliis Datum Eboraci ad festum Purificationis beate Virginis anno incarnacionis dominice mccxcvii et anno regni regis Edwardi filii regis Henrici vicesimo sexto

Source Fulltext: Chartulary of the Augustinian Priory of St. John the Evangelist of the Park of Healaugh. J. S. Purvis. Yorkshire Archaeological Society, V.92. Yorkshire Archaeological Society. West Yorkshire Print Co. Wakefield. 1936.