Omnibus Christi fidelibus hoc scriptum visuris vel audituris dominus Symon de Kyma dominus de Neuton Kyme super Werf eternam in domino salutem Noveritis me concessisse et pro me et heredibus meis presenti scripto confirmasse Deo et beate Marie et domui sancti Johannis Evangeliste de Parco de Helagh et canonicis ibidem Deo servientibus pro salute anime mee antecessorum et heredum meorum in liberam puram et perpetuam elemosinam omnes terras tenementa et pasturas cum pertinenciis suis que ipsi habent in feodo meo tam in dominico quam in servicio scilicet in villis et territoriis de Caterton et Touleston que habuerunt et tenuerunt die confeccionis hujus scripti secundum tenorem cartarum suarum quas inde habent de feoffatoribus suis libere quiete integre pacifice et solute ab omni servicio seculari sectis exaccione et demanda in perpetuum In cujus rei testimonium presenti scripto sigillum meum apposui Actum apud Neuton predictum die sancti Jacobi apostoli A D mcclxxxv Hiis testibus dominis Johanne de Bella Aqua Stephano Walens Willelmo le Vauasur Willelmo Rither Alano de Catherton militibus et aliis

Source Fulltext: Chartulary of the Augustinian Priory of St. John the Evangelist of the Park of Healaugh. J. S. Purvis. Yorkshire Archaeological Society, V.92. Yorkshire Archaeological Society. West Yorkshire Print Co. Wakefield. 1936.