Hec est finalis concordia facta in curia domini regis apud Gloucestriam die sancti Jacobi apostoli anno primo regni regis Ricardi coram Willelmo Elyensi episcopo apostolice sedis legato et domini regis cancellario et iusticia domini regis et G[odefrido] Wynton[iensi] episcopo et G[uarino] Ebroicensi cantore et Roberto de Wytfeld et Symone de Pateshull[] et aliis baronibus et fidelibus domini regis tunc ibidem presentibus inter Benedictum abbatem de Burgo et Willelmum de Clopton de j uirgata terre in Clopton que continet septies xx acras terre et x cum capitali mesuagio et omnibus aliis pertinenciis quam predictus abbas de Burgo clamabat uersus prenominatum Willelmum de Clopton sicut ius suum et dominium et sicut ius ecclesie Beati Petri de Burgo Unde placitum fuit inter eos in curia domini regis scilicet quod predictus Willelmus recognouit predictam uirgatam terre cum capitali mesuagio et cum omnibus aliis pertinenciis suis esse ius et dominium prenominati abbatis de Burgo et ius ecclesie Beati Petri de Burgo et reddidit eam quietam Deo et ecclesie Sancti Petri de Burgo et prenominato abbati de Burgo et successoribus suis de se et heredibus suis cum omnibus pertinenciis suis inperpetuum Et pro hac quieta clamancia predictus abbas dedit prenominato Willelmo x marcas argenti et Emme uxori sue xij bisancia

Source Fulltext: Carte Nativorum, a Peterborough Abbey Cartulary. C. N. L. Brooke and M. M. Postan. Northamptonshire Record Society. Northamptonshire Record Society. Oxford University Press. Oxford. 1960.