Omnibus Christi fidelibus ad quos presens carta peruenerit Robertus Dei gratia abbas ecclesie Sancti Petri de Burgo et eiusdem loci deuotus in Christo conuentus salutem in Domino eternam Nouerit uniuersitas uestra nos concessisse et hac carta nostra confirmasse priori et conuentui Noui Loci super Ancolme aduocacionem quarte partis ecclesie de Hibaldestowe et molendinum eiusdem uille et omnia tenementa cum pertinenciis in eadem uilla que habent de dono Roberti Fauuel per cartas ipsius Roberti habend et pacifice tenend sicut ea rationabiliter sunt consecuti ita quidem quod non liceat predictis priori et conuentui Noui Loci de cetero absque assensu et uoluntate nostra terram aliquam siue redditum in feodo nostro emere uel recipere Pro hac autem nostra confirmacione optinenda prefati prior et conuentus Noui Loci soluent nobis singulis annis viij solidos sterlingorum duobus terminis anni scilicet ad Pentecosten iiij s et in festo Sancti Martini iiij s Et si forte prefati prior et conuentus Noui Loci super Ancolme a solucione octo solidorum prefatorum terminis pretaxatis cessauerint licebit nobis ipsos distringere per aueria et catalla que in terris de feodo nostro predicto inuenta fuerint donec prefatos viij s anuos plene persoluerint Et ut hoc ratum maneat inperpetuum presentem cartam sigillorum nostrorum appositione munitam eis in futurorum memoriam dedimus anno ab incarnacione Domini millesimo ducentesimo quintodecimo Testibus hiis magistro Galfrido Gibbewyn et aliis

Source Fulltext: Carte Nativorum, a Peterborough Abbey Cartulary. C. N. L. Brooke and M. M. Postan. Northamptonshire Record Society. Northamptonshire Record Society. Oxford University Press. Oxford. 1960.