Uniuersis Christi fidelibus ad quos presens scriptum peruenerit j[ohannes] de Caleto diuina permissione abbas de Burgo Sancti Petri et eiusdem loci conuentus salutem in Domino sempiternam Nouerit uniuersitas uestra nos dedisse concessisse et hac presenti carta nostra confirmasse Rogero de infirmaria et Isabelle uxori sue quoddam mesuagium cum pertinenciis suis in Burgo scilicet in Cougate quod iacet inter tenementum Ade le Pykeler[] ex una parte et Prestgate ex altera unde unum capud abuttat super uiam regiam et [...] super tenementum quondam Willelmi de Eya tenend et habend dictum mesuagium cum pertinenciis de nobis et de successoribus nostris sibi et heredibus eorum uel eorum assignatis preter quam uiris religiosis aliis a nobis et omnibus aliis per quos redditus subscriptus uel aliquid aliud ad nos pertinens possit minui uel libertas nostra in aliquo impediri reddendo inde annuatim superiori sacriste nostre quatuor solidos ad quatuor anni terminos scilicet ad Natale Domini xij d ad Pascha xij d ad Natiuitatem Sancti Johannis Baptiste xij denarios et ad festum Sancti Michaelis xij denarios pro omnibus consuetudinibus seruiciis et secularibus demandis preter quam sectam curie ad sacristiam nostram spectantem et releuium secundum consuetudinem uille ut euenerit Nos uero et successores nostri warantizabimus dictum messuagium cum pertinenciis dictis Rogero et Isabelle uxori sue et heredibus eorum uel assignatis quomodo predictum est contra omnes gentes inperpetuum ita tamen quod si predicta Isabella predictum r[ogerum] uirum suum superuixerit absque hoc quod predictus Rogerus prolem ex ea non procreauit predictum mesuagium cum pertinenciis integre remanebit eidem Isabelle et heredibus uel assignatis suis quiete de heredibus ipsius Rogeri tenend de nobis et successoribus nostris per predictum seruicium inperpetuum In cuius rei testimonium presenti scripto sigilla nostra apponi fecimus dat[] puplice in capitulo nostro anno Domini millesimo cclvij

Source Fulltext: Carte Nativorum, a Peterborough Abbey Cartulary. C. N. L. Brooke and M. M. Postan. Northamptonshire Record Society. Northamptonshire Record Society. Oxford University Press. Oxford. 1960.