Adelelmus de Dorsete archidiaconus omnibus clericis capituli de Bridiport salutem Notum sit omnibus vobis quod Rogerus Arundel dedit et concessit me praesente et concedente ecclesiae S Mariae de Monteburg et monachis ibidem Deo servientibus ecclesiam de Porestok cum omnibus quae ad eam pertinent in oblationibus et decimationibus et terris et pascuis et aliis consuetudinibus in perpetuam elemosinam Ailmerus vero sacerdos qui retroactis temporibus in praefata ecclesia tanquam persona curam administrationis gesserat in praesentia mea eam de manu abbatis postmodum tenend de ecclesia de Monteburg suscepit solvendo eidem ecclesiae annuum canonem videlicet xii denariorum Praeterea domina Hatewysa de Rivariis soror comitis Ricardi literis suis mandavit mihi se dedisse et concessisse praenominatae ecclesiae de Monteburg et monachis in ea Deo servientibus in perpetuam possidendam ecclesiam de Flicta cum omnibus pertinentiis suis et consuetudinibus fratre suo Ricardo comite et aliis fratribus suis ut asserebat concedentibus Valete

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.