Jocelinus Dei gratia Sarum episcopus omnibus ad quos praesens carta pervenerit salutem Noverit universitas vestra me concessisse assensu et consilio Johannis decani et totius capituli Sarum ecclesiae Willelmo filio Alexandri de Poterna medietatem terrae Azonis fratris Willelmi consensu ipsius Azonis managiis duobus quorum unum quod est in Wrtona Azo habebit Willelmus vero aliud quod mater ejus habet in Poterna reddendo inde annuatim dimidiam libram piperis et dimidiam thuris pro omni servitio nec Willelmus nec homines ejus respondebunt alicui nisi mihi et successoribus meis si Willelmus me supervixerit Tenebit etiam Willelmus in capite de nobis et successoribus nostris quamdiu vixerit nullo jure ob hoc ad haeredes ejus transeunte post mortem ejus Si vero vel Azo vel Willelmus supervixerit terram praemortui habebit post decessum vero utriusque tota terra quam habent de dominico redibit in dominicum episcopi Saepedictus vero Willelmus in praesentia Rogeri Wigornensis episcopi et Galfredi Herefordensis decani quibus cause quas inter me et ipsum super quibusdam terris quas pater ejus tenuerat in sochagio Poterna et Caninges vertebatur a summo Pontifice delegata fuit juramento praestito se nec mihi nec alicui successorum meorum inde litem moturum affirmavit His testibus Jordano decano Willelmo archidiacono G clerico A P et aliis

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.