Universis sanctae matris ecclesiae filiis praesens scriptum visuris vel audituris Adam et Jordan de Waverlege et de Dereford abbates salutem in Domino Literas domini papae suscepimus in haec verba [...] Hujus igitur auctoritate mandati partibus convocatis et in praesentia nostra constitutis videlicet domino Ricardo episcopo Sarum in propria persona et Abraham thesaurario procuratore capituli Sarum ad litigandum et ad componendum dato ex una parte abbate et conventu de Malmesburia per Johannem Walensem monachum ejusdem monasterii procuratorem ad litigandum et componendum datum ex parte altera dictus episcopus pro se et ecclesia sua suam sic in judicio coram nobis fundavit intentionem mere possessorium intendens ac dicens quod abbas et monachi eidem debent subesse pleno jure tanquam abbati et tanquam episcopo tam in temporalibus quam in spiritualibus et petiit sibi reformationem fieri praedictorum in qua memoratus episcopus dicit ecclesiam memoratam Sarum tempore bonae memoriae Rogeri episcopi praedecessoris sui fuisse non solum de jure communi verum etiam auctoritate sedis apostolicae Cumque super hoc coram nobis aliquamdiu esset altercatum post multa hinc inde proposita tandem ad monitionem et mandatum venerabilis patris Pandulfi Norwicensis electi et apostolicae sedis legati necnon et illustris regis Angliae Henrici filii regis Johannis partes ad pacem ineundam induximus Quibus vota sua de pace inter eas formanda tam super proprietate quam possessione subjectionis dicti monasterii in temporalibus et spiritualibus in nos conferentibus et se nostrae provisioni necnon et jurisdictioni subjicientibus solum Deum habentes prae oculis volentes utriusque ecclesiae paci et tranquillitati providere salvo in omnibus jure Romanae ecclesiae de prudentum virorum et jurisperitorum consilio utriusque partis instrumentis ad causam praedictam pertinentibus in jure coram nobis exhibitis et diligenter inspectis taliter providimus auctoritate qua fungimur quod monasterium de Malmesburia ab omni subjectione domini episcopi et successorum ejusdem secundum tenorem privilegiorum suorum Sergii Innocentii secundi et Alexandri tertii sit tam in temporalibus quam in spiritualibus infra ambitum cimiterii et dicti monasterii sicut nobis constat esse exemptum per inspectionem privilegiorum suorum Romanorum videlicet pontificum suprascriptorum Ad cujus rei evidentiam verba in privilegiis contenta huic scripto inserimus quorum verba sunt haec [...] Item si aliquod rescriptum vel privilegium contra hanc libertatem a Sergio Innocentio ii et Alexandro iii monasterio memorato concessam aliquando apparuerit nulla ratione eidem libertati praejudicet Salvae autem sint dicto episcopo et successoribus suis per Sarum diocesim in omnibus ad dictum monasterium pertinentibus extra ambitum monasterii et cimiterii ejusdem lex et jurisdictio diocesana Providemus etiam auctoritate eadem unanimi partium voluntate et assensu ordinantes quod praefatus episcopus et successores ejusdem manerium de Hywey cum jure patronatus ecclesiarum de Bremel et de Hywey et capellae de Foxam futuris temporibus pro bono perpetuae pacis inter dictam ecclesiam Sarum et monasterium praedictum jure possessionis et proprietatis habeat et retineat sibi et successoribus suis nullo ex hoc praejudicio monasterio de Malmesburia in manerio de Bremel et ejus pertinentiis quoad temporalia imminente nisi tantum in jure patronatus ecclesiae ejusdem villae et capellae de Foxam et earundem pertinentiis quantum ad jus patronatus pertinet Si vero ab alterutra partium aliquod scriptum vel privilegium apparuerit contra hanc nostram ordinationem impetratum nullum robur obtineat firmitatis Ut haec autem nostra ordinatio et provisio quam dictus episcopus Sarum de assensu totius capituli Sarum et dictus Johannes procurator abbatis et conventus de Malmesburia datus ad componendum coram nobis in jure approbaverunt futuris temporibus rata et firma permaneat ad observationem illius pars utraque sacramento se obligavit retenta nobis et successoribus nostris de unanimi partium assensu jurisdictione coercendi partes ad memoratae pacis observationem Et in hujus rei testimonium huic instrumento in modum cyrographi tripartiti confecto cujus unam partem supradicto episcopo et capitulo Sarum aliam procuratori abbatis et conventus dicti monasterii tradidimus tertiam nobis reservantes sigilla nostra apposuimus praedictam ordinationem et provisionem nostram auctoritate domini papae qua fungimur confirmantes His testibus Willelmo de Walda praecentore Sarum Hugone de Garhurst cancellario Abraham de Winton thesaurario magistro Roberto de Bingeham magistro Luca magistro Willelmo de Winton canonicis Sarum Rogero decano de Winton magistro Waltero de Syreburne magistro Johanne de Reigate Huberto Hosato magistro Ricardo de Bremel magistro Roberto de Lavinton Nicholao Martel et multis aliis

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.