[...] praesens scriptum pervenerit magister S decanus Cycestrensis et magister Ricardus decanus de Louintone et magister Willelmus de Keynesham canonicus Cicestrensis salutem in Domino Litteras domini papae Honorii [tertii] in haec verba suscepimus [...] Cum igitur auctoritate praedictarum litterarum lis esset mota coram nobis inter magistrum Willelmum de Merttone canonicum Sarum personam ecclesiae de Ferendone petentem ab abbate et monachis de Bello Loco nomine Ricardi decani Sarum ecclesiae scilicet de Farendon omnes decimas de terris quas idem monachi habent infra limites parochiae dictae ecclesiae de Farendon et praefatos abbatem et conventum se immunes esse a praestatione dictarum decimarum per privilegia eis a sede apostolica indulta asserentes tandem inter eos super praedictis amicabilis intervenit compositio talis videlicet quod memorati abbas et conventus singulis annis sextamdecimam garbam tam de blado quam de leguminibus de omnibus terris suis sitis infra limites ejusdem parochiae integre et sine diminutione persolvent canonico Sarum et personae qui pro tempore fuerit ecclesiae de Farendone tam de novalibus et assartis et assartandis quam de aliis terris quascunque in praefata parochia habent monachi praefati ita quod monachi [...] secundum sua privilegia a praestatione omnium decimarum minutarum Quod si forte aliquae terrae quas nunc tenent rustici vel libere tenentes eorum vel aliorum quorumlibet in eadem parochia [...] de caetero [ad manus] monachorum [...] devenerint exceptis terris infra excipiendis de illis sine omni diminutione et exceptione decimas praefatae ecclesiae de Farendone persolvent cum ea integritate qua eas praedicti rustici vel libere tenentes solvebant vel solvere tenebantur Hae autem terrae sunt exceptae quas quidam wicarii monachorum nunc tenent quae erant in dominico monachorum et de quibus omnes decimas dicta ecclesia de Farendone percipit de quibus cum ad manus monachorum dictae terrae pervenerint sicut de reliquo dominico terrae eorum sextamdecimam garbam tantum persolvant monachi ecclesiae memoratae de Farendone annuatim Sunt autem nomina wicariorum qui praedictas terras tenent Radulfus de Aras qui habet unam hidam terrae Robertus de Castello qui habet dimidiam hidam terrae Ricardus Huchen qui habet dimidiam hidam terrae Robertus de Hadthorn qui habet dimidiam hidam terrae cum pertinentiis ad terras easdem Quicunque autem terras monachorum de quibus sextamdecimam garbam tantum monachi solvere tenentur vel etiam pascua ab eis ad feudum vel firmam perpetuam vel temporalem tenuerit omnes decimas quamdiu eas ad feudum vel firmam tenuerit tam majores quam minores inde provenientes plenarie ecclesiae praefatae de Farendune persolvet et cum eaedem terrae ad monachos praedictos cessante feudo vel firma redierint sextamdecimam garbam tantum persolvent praedicti monachi ecclesiae praefatae de Farendone sicut praescriptum est nullo privilegio monachorum ad personas feudatariorum vel firmariorum suorum aliquando in aliquibus extendendo Hanc autem praescriptam amicabilem compositionem inviolabiliter observaturos se et fideliter memorati abbas et conventus et magister Willelmus de Merttone ut omnis in posterum inter ecclesiam Sarum et praedictam ecclesiam de Ferendone ex una parte et monasterium de Bello Loco Regis ex altera cesset controversia in verbo Dei promiserunt in jure coram nobis litteris dicti conventus de Bello Loco item litteris episcopi et capituli Sarum super ratihabitione praefatae compositionis coram nobis in jure exhibitis lectis et approbatis ad majorem et perpetuam factae compositionis firmitatem Hanc igitur compositionem sicut proinde facta est ratam et gratam habentes auctoritate domini papae qua fungimur confirmamus Et in hujus rei testimonium signa nostra necnon et signa partium huic scripto una cum sigillo capituli Cycestrensis et aliarum personarum autenticarum sunt apposita Datum apud Cycestriam anno ab Incarnatione Domini m cc xx mense Maii iii idus ejusdem anno regis Henrici tertii quarto

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.