Universis Christi fidelibus Ricardus divine permissione Sarum ecclesiae minister humilis salutem aeternam in Domino Noverit universitas vestra quod constitutus in praesentia nostra Radulfus Belet miles nobis cum devotione magna instanter supplicavit quod liceret ei et haeredibus suis capellanum habere ad mensam suam et ad sumptos suos qui futuris et perpetuis temporibus in capella sue de Wardeford divina celebraret recognoscens coram nobis ecclesiam de Frome infra cujus limites sita est capella memorata in nullo esse obligatam ad aliquod servitium in praedicta capella faciendum neque ipsum nec haeredes suos debere vel posse petere aliquo jure a personis de Frome qui pro tempore fuerint quod praedictae capellae per matricem ecclesiam deserviatur Idem etiam recognovit pro se et haeredibus suis omnes decimas quae per annum renovantur de toto dominico de Wardeford item omnes obventiones et obligationes jure parochiali ad ecclesiam de Frome pertinere Concessit etiam idem Radulfus intuitu Dei per [...] matris suae duodecim virgatas terrae et omnes decimas feni imperpetuum ecclesiae de Frome Nos ergo attendentes affectionem et devotionem quam habet dictus miles ut divinus cultus amplietur de unanimi assensu et voluntate ejusdem militis et N personae de Frome concessimus et statuimus quod memoratus miles capellanum habeat ad mensam suam et ad sumptos suos in praedicta capella futuris et perpetuis temporibus divina celebraturum et nullum omnino emolumentum de praedictis vel aliis ad praedictam ecclesiam pertinentibus percepturum nisi unicum denarium missae ad manum suam venientem toto residuo rectori ecclesiae de Frome qui pro tempore fuerit remanente Dictus autem capellanus a praedicto milite vel ejus successoribus rectori ecclesiae de Frome et ab eo archidiacono in capitulo Dor cestriae praesentabitur ibidem personae ecclesiae de Frome fidelitatem facturus et quod in nullo jura dictae ecclesiae vel audiendo confessionem parochianorum ecclesiae de Frome vel divina eis celebrando vel in alio sub religione juris jurandi promissurus diminuet vel sibi usurpabit solo denario missae contentus Statuimus etiam quod si dictus capellanus contra praedictum fidelitatis sacramentum in aliquo venerit et super hoc judicialiter in capitulo convictus fuerit vel diffamatus et purgare se non possit ex tunc licebit dictae ecclesiae rectori auctoritate episcopali interveniente capellanum illum sine contradictione omnino amovere alio idoneo secundum formam praescriptam ipsi substituendo Et ut haec nostra ordinatio rata et firma perpetuis temporibus perseveret eam sigilli nostri munimine duximus roborandam tribus instrumentis sub tenore eodem et verbis omnino conceptis appensi quorum unum penes ecclesiam de Frome aliud penes dictum militem et ejusdem haeredes tertium in thesauraria ecclesiae Sarum remanebit custodiendum Datum apud Dorcestre anno ab Incarnations Domini mccxxi etc

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.