Cum super ecclesiis de Blebire et Merleberg scilicet ecclesia sanctae Mariae et ecclesia sancti Petri et ecclesia de Preschete cum pertinentiis inter venerabilem patrem Ricardum Sarum episcopum ex una parte et Hugonem de Sanford filium Thomae de Sanford ex altera in curia domini regis quaestio verteretur dicto episcopo asserente collationem dictarum ecclesiarum sicut caeterarum praebendarum in ecclesia Sarum vacantium ad ipsum immediate debere de jure pertinere praefato vero Hugone e contrario dicente earundem ecclesiarum jus patronatus ad ipsum spectare tandem dictus episcopus et capitulum Sarum item dictus Hugo pro se et haeredibus suis sponte et absolute totum jus quod se in dictis ecclesiis habere contendebant omni appellatione et subterfugio remotis in nostram transtulerunt ordinationem et provisionem caventibus nobis dicto episcopo et capitulo Sarum necnon et dicto Hugone de Sanford pro se et haeredibus suis juramento praestito quod nostram in perpetuum ratam haberent et observarent ordinationem Nos igitur habits diligenti deliberatione et tractatu communicato quoque prudentum virorum consilio volentes quieti partium prospicere et materiam contentionis et jurgiorum in posterum amputare attendentes insuper diligenter dictarum ecclesiarum fructuum et proventuum sufficientiam et abundantiam ad duorum rectorum honestam sufficere sustentationem ita duximus ordinandum videlicet quod jus advocationis ecclesiarum de Merleberge videlicet ecclesiae sanctae Mariae et ecclesiae sancti Petri et ecclesae de Proschete cum omnibus pertinentiis libertatibus et liberis consuetudinibus earundem cum terra et redditu de Uffecote cum pertinentiis quae canonicus de Blebire et de Merleberge solebat habere Deo et beatae Mariae et domino Ricardo Sarum episcopo et successoribus suis in perpetuum per nostram remaneant ordinationem Statuentes quod idem episcopus et successores sui in perpetuum ordinent et disponant pro voluntate sua de praedictis ecclesiis et de praedicta terra et redditu absque ulla reclamatione dicti Hugonis vel haeredum suorum sicut de aliis ecclesiis vel praebendis suis Praefatae quoque ecclesiae ab omni jurisdictione decani et capituli Sarum exemptio episcopo praefato et successoribus suis immediate subsint et de spirituali jurisdictione sicut canonico consueverunt per omnia respondeant Ad praesentationem autem dicti Hugonis de Sanford tanquam veri patroni et haeredum suorum debebunt praedictus episcopus et successores sui admittere ad ecclesiam de Blebire personam idoneam et eam in eadem instituere quotiens ipsam vacare contigerit qui erit canonicus Sarum ecclesiae de ipsa ecclesia de Blebire et habebit semper stallum in choro et locum in capitulo quem habere solebat canonicus de Merleberge et de Blebire omnes autem cartas et instrumenta quae habet vel habuit dictus Hugo vel praedecessores sui super dictis ecclesiis cum pertinentiis resignavit in manus dicti episcopi Et si aliqua instrumenta in posteram penes alterutrum partium in alterius partis praejudicium fuerint inventa viribus penitus careant neutri partium aliquo tempore valitura Omnibus autem impetratis et impetrandis contra hanc nostram ordinationem ab utraque parte in perpetuum renunciatum est Ad perpetuam autem hujus nostrae ordinationis firmitatem tria sub eodem tenore confecta sunt instrumenta quorum unum remanebit penes dominum episcopum vel successores quos alterum penes capitulum Sarum et tertium penes dominum Hugonem vel haeredes suos sigillis nostris munita Hanc autem ordinationem nostram solempniter publicatam dictus episcopus et capitulum suum necnon et Hugo de Sanford pro se et haeredibus suis communiter approbaverunt et acceptaverunt Valete in Domino Actum anno gratiae m cc xiii xvii kalend Maii

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.