Omnibus Christi fidelibus ad quos praesens scriptum pervenerit Ricardus Dei permissione Sarum ecclesiae minister humilis salutem in Domino aeternam Noveritis quod prior et conventus de Ferlege ecclesiam de Boxe juxta Ferlege et ecclesiam de Wivelesford cum pertinentiis quae ad eorum pertinebant advocationem nostrae ordinationi supposuerunt per cartam suam quae talis est Reverendo domino et patri in Christo R Dei gratia Sarum episcopo devotissimus suus h[enricus] dictus prior de Ferlege et ejusdem loci conventus salutem et tam promptam quam debitam cum obedientia reverentiam Committimus unanimi assensu et voluntate ordinationi vestrae ecclesias de Boxe et de Wivelesford quae ad nostram spectant advocationem paternitati vestrae attentius supplicantes quatenus intuitu Dei de praedictis ecclesiis ita ordinare velitis quod ordinatio vestra vobis proficiat ad salutem Ratum et gratum habebimus quicquid super praemissis vestra duxerit ordinare paternitas In cujus rei testimonium sigillum nostrum apposuimus Recepimus etiam literas nobilis viri Henrici comitis Herford super eisdem ecclesiis in haec verba Venerabili patri in Christo R Dei gratia Sarum episcopo Hum[fredus] de Boun salutem in Domino Cum nostrorum promotioni specialiter intendere debeamus quos praedecessores nostri sincera caritate sunt amplexati pro dilectis nobis in Christo priore et conventu de Ferlege quorum domum praedecessores nostri fundaverunt paternitatem vestram attentius rogamus et devote quatinus paupertati eorundem prioris et conventus misericorditer compatientes eos promovere in ecclesia de Boxe velitis vel in aliqua alia quae ad eorum spectat advocationem vel saltem in ecclesia de Wivelesford quarum advocationes praedecessores nostri eis contulerunt et nos eisdem per cartam nostram confirmavimus ratum etiam habebimus quodcunque super praedictis ecclesiis vestra ordinaverit paternitas Valeat sanctitas vestra in Domino Nos igitur considerantes paupertatem domus de Ferlege ad cujus sustentationem propriae non sufficiunt facultates attendentes etiam hospitalitatem quam ejusdem domus monachi in omnes transeuntes ultra vires exercent precibus insuper et voluntati dicti comitis super ordinatione dictarum ecclesiarum inclinati sic ordinavimus quod prior et monachi de Ferlege in usus proprios in perpetuum in nomine perpetui beneficii retineant omnes decimas garbarum cum cura personae et terrae ecclesiae de Boxe salva in eadem ecclesia vicaria perpetua ad quam dicti prior et conventus vicarium cum vacaverit praesentabunt qui nomine vicariae percipiet omnes obventiones altaris et cimiterii et omnes minutas decimas et decimas feni et molendinorum et curtilagiorum et praeter ea singulis annis per manus monachorum de Ferlege quinque quarteria frumenti et quinque de ordeo et tria de mixtilione et duo de avena qui vicarius omnia onera ordinaria sustinebit praeter procurationem archidiaconi quam facient monachi qui etiam invenient aream dicto vicario competentem et honestam in quo possint aedificare omnibus extraordinariis inter monachos et vicarium pro rata percipiendis Ordinavimus etiam de ecclesia de Wivelesford in hunc modum videlicet quod habita consideratione ad insufficientiam domus hospitalis Sarum ad sustentationem unius capellani futuris et perpetuis temporibus celebraturi divina in capella hospitalis ejusdem pro salute animae nostrae et pro animabus praedecessorum nostrorum et successorum et pro animabus nobilis viri comitis Sarum Willelmi Longespey et Elae comitissae Sarum necnon et canonicorum Sarum et ad refocillationem pauperum et transeuntium ad eandem domum declinantium assignavimus omnes decimas garbarum in campis de parochia de Wivelesford salvis vicario perpetuo singulis annis tribus quarteriis de frumento duobus de ordeo duobus de avena uno de siligine percipiendis pro liberatione procuratoris ejusdem domus qui episcopo Sarum futuris et perpetuis temporibus praesentabit vicarium in cujus usus cedent omnes obventiones altaris et cimiterii et omnes decimae praeter decimas garbarum qui etiam vicarius omnia [opera] sustinebit ordinaria et procurationem archidiaconi faciet omnibus extraordinariis inter vicarium et domum hospitalis pro rata partiendis Ut autem haec nostra ordinatio firma et stabilis in perpetuum perseveret tria scripta sub eisdem omnino verbis et tenore eodem quorum unum in ecclesia Sarum remanebit aliud penes monachos de Ferlege et tertium in domo hospitalis Sarum confici fecimus et sigillo nostro et capituli Sarum communivimus salvis [in] omnibus jure auctoritate et dignitate Sarum ecclesiae et cura successorum nostrorum Actum apud Ferlege die Veneris proxima ante Nativitatem beatae Mariae anno ab Incarnations Domini m cc xxvii pontificatus nostri anno xi His testibus Stephano archidiacono Wiltescyre magistro E de Derham domino Waltero de Porleye domino Valentino Roberto de Witham et magistro Galfrido de Mortone et multis aliis

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.