Omnibus Christi fidelibus ad quos praesens scriptum pervenerit Ricardus permissione divina Sarum ecclesiae minister humilis salutem in Domino aeternam Noverit universitas vestra quod cum n[icholaus] prior de Noiona pro se et conventu suo se ex tote ordinationi nostrae subposuisset tam super rebus et decimis ad ecclesiam de Hanred spectantibus quam super jure patronatus dictae ecclesiae quod ad eos pertinere dinoscebatur et idem jus de ordinatione nostra ad nos et successores nostros esset devolutum nos dictam ecclesiam dilecto in Christo filio Philippo de Belvaco clerico contulimus ipsumque in eadem personam instituimus auctoritate pontificali statuentes ut idem Philippus dictam ecclesiam cum pertinentiis suis integre possideat reddendo annuatim dictis monachis quindecim marcas videlicet in Annunciatione beatae Virginis centum solidos et in festo Sancti Michaelis centum solidos nomine perpetui beneficii salvis jure dignitate et auctoritate nostra et ecclesiae nostrae et successorum nostrorum Quod ut ratum sit et firmum praesens scriptum sigilli nostri appositione fecimus communiri His testibus w[illelmo de Merton] archidiacono Berk magistris Elia de Derham et Rogero de Wrthe Willelmo de Leycestre Thoma de Sancto Martino canonico Sarum Waltero de Purle Stephano de Burtone clericis et multis aliis Datum apud Novas Sarum per manum Valentini clerici nostri pridie nonas Julii pontificatus nostri anno duodecimo

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.