Reverendo domino et patri in Christo venerabili Roberto Dei gratia Sarum episcopo et viris venerabilibus domino Roberto decano et capitulo Sarum w[ymarca] priorissa et conventus de Lacoc cum omni reverentia et obedientia salutem in Domino Cum religiosam dominam e[la] permissione [divine] electam nostram gratia prosequentes speciali tam ipsi quam nobis dispensative duxeritis concedendum ut non obstante constitutione synodali qua cavetur ne electus vel electa in abbatem vel abbatissam Sarum dioces extra ecclesiam Sarum munus benedictionis recipiat electae praefatae in ecclesia de Sorestane munus benedictionis impendatur non gratia vestra nolentes abuti in fide et obedientia qua sedi Sarum tenemur astrictae firmiter promittimus quod benedictionis occasione praedictae praefati sedi et constitutioni memoratae in nullo volumus vel intendimus in posterum derogare sed electas nostras quae de caetero occurrerint in cathedrali ecclesia Sarum futuris et perpetuis temporibus volumus benedici omni juris et facti remedio quod praedictae constitutioni posset obviare et expresse ac perpetuo renunciando In cujus rei testimonium praesens scriptum sigillo nostro duximus muniendum Actum die Assumptionis beatae Mariae virginis anno gratiae m cc xxxix

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.