Universis sanctae matris ecclesiae filiis Robertus divina miseratione Sarum episcopus salutem in Auctore salutis Sic religiosorum tuitio ac profectus nostris curia incumbit ut tamen animarum parochialium regimen et salutem nullatenus incuriae relinquamus Oportet enim sic illa facere et haec non omittere ne ista cedant istis in dispendium nec illa cum nostrae negligentiae parent periculo istis defectum Hinc est quod universitati vestrae duximus intimandum quod vacantibus in diocesi nostra de Inglesham [et] de Cokeswelle parochialibus ecclesiis dilecti nobis in Christo viri religiosi abbas et conventus Belli Loci Regis Cisterciensis ordinis Wintoniensis dioceseos ad quos jus patronatus in praedictis ecclesiis pertinebat nobis domini papae privilegium porrexerunt supplicantes ut illius privilegii tenorem attenderemus et eos ejus gaudere faceremus effectu Fuit autem memoratum privilegium in haec verba conceptum [...] His itaque omnibus diligenter inspectis et consideratis salvis omnibus privilegiis praedictorum abbatis et conventus Belli Loci Regis non obstantibus huic ordinationi de consilio et consensu capituli Sarum et ipsorum abbatis et conventus assensu de praefatis ecclesiis ordinandum duximus in hunc modum videlicet quod omnes obventiones et oblationes debitae vel voluntariae quae efferuntur in praedicta ecclesia de Inglesham et omnes minutae decimae et iiij virgatae terrae cum pertinentiis suis pertinentes ad ecclesiam memoratam et decimae de feno parochiae suae vel illius cum prato quodam quod dicitur Chercheham et quaedam crofta quae pertinet ad messuagium vicarii et duo quarteria frumenti duo ordei et duo avenae singulis annis infra octabas Sancti Martini solvenda ab abbate et conventu Belli Loci Regis haec omnia praedicta cedent vicario qui suo tempore fuerit in dicta ecclesia constitutus percipienda habend et tenend jure vicariae parochialis ecclesiae de Inglesham in perpetuum integre et quiete Caetera autem omnia tam in decimis garbarum bladi et leguminum cum messuagiis quae quondam fuerunt persona de Inglesham quam in piscariis et molendinis praeter messuagium vicario superius assignatum cedant in proprios usus et liberos praedictorum abbatis et conventus Belli Loci Regis cum quodam prato quod dicitur Blecheham jure personatus recipienda habend et tenend libere integre in perpetuum et quiete De ecclesia autem de Cokeswell per ordinationem memoratam sic provisum est ut omnes obventiones vel oblationes debitae et voluntariae quae offerentur in ecclesia de Cokeswell cum minutis decimis et omnes decimae feni de villenagio dictae parochiae et una crofta de dominico abbatis et conventus ad australem partem proxima cimiterio ecclesiae de Cokeswell quam Willelmus capellanus quondam tenere consuevit et octava pars decimae garbarum singulis annis percipienda de omnibus terris quarum decimas possedit dicta ecclesia tempore magistri Willelmi de Rodeham proximi rectoris ipsius ecclesiae et xl solidi singulis annis a praedictis abbate et conventu infra octabas Sancti Michaelis solvendi et pastura ad xx oves pascendos in communi pastura rusticorum ejusdem parochiae cedant vicario qui fuerit suo tempore in dicta ecclesia constitutus percipienda habend et tenend jure vicariae parochialis ecclesiae de Cokeswell in perpetuum integre et quiete Caetera autem omnia tam in decimis garbarum bladi quam leguminum cum quodam tenente unam dimidiam hydam terrae quae pertinet ad ecclesiam cedant in usus proprios et liberos praedictorum abbatis et conventus percipienda habend et tenend jure personatus libere integre in perpetuum et quiete Verum ipsi vicarii qui suis temporibus in praedictis ecclesiis fuerint constituti sustinebunt omnia onera tam episcopalia quam archidiaconalia debita et consueta a quibus ipsi abbas et conventus susceperunt immunes Nos autem collationes praedictarum vicariarum nobis et successoribus nostris in perpetuum retinemus Ad majorem autem cautelam duo scripta secundum praesentem formam concepta et in perpetuum in suo robore valitura scribi fecimus et sigillo nostro una cum sigillo capituli Sarum et cum sigillo abbatis saepedicti fecimus muniri et unum penes capitulum Sarum et aliud penes conventum Belli Loci Regis servetur Datum anno Domini x cc xl iii idus Februarii

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.