Universis Christi fidelibus ad quos praesens scriptum pervenerit dominus Robertus decanus et capitulum Sarum salutem aeternam in Domino Noveritis nos concessionem et assignationem Ricardi Archerii de Farley factas Hugoni filio Willelmi de monasterio de Farlege et haeredibus suis de una purprestura quae vocatur Adamhes gore in villa de Farleye de nobis et successoribus nostris in perpetuum tenend et habend pro duobus solidis nobis et successoribus nostris annuatim reddendis ad festum Nativitatis beati Johannis Baptistae et Natalis Domini per aequales portiones ratas et gratas habentes eas praesenti scripto in modum cyrographi inter nos et praefatum Hugonem ad majorem certitudinem confecto quatenus nos contingat confirmamus In cujus rei testimonium uterque nostrum huic scripto inde inter nos cyrographato sigillum suum apposuit Et sciendum quod praedictus Hugo tactis sacrosanctis [evangeliis] pro se et haeredibus suis juravit nobis et successoribus nostris ipsum et haeredes suos per omnimodam censuram ecclesiasticam vel secularem in optione nostra positam omni impedimento cessante civili et canonico ad plenam satisfactionem juris et injuriae compellere His testibus domino Roberto tunc decano Sarum domino Henrico tunc thesaurario Sarum domino Nicholao tunc subdecano Sarum domini Rogero succentore Sarum magistro r[adulfo] de Eboraco domino Willelmo de la Wile domino Odone de Grymstede milite et aliis Haec omnia acta sunt in praesentia domini Roberti tunc decani et capituli eadem concedentium et rata habentium pro se et suis successoribus in perpetuum in die Inventionis Sanctae Crucis anno gratiae m cc xlv in capitulo Sarum

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.