Hec est finalis concordia facta in Curia Domini Regis apud Westm[] in octabis sancti Hillarii anno regni Regis Henrici filii Regis Johannis duo decimo coram Martino de Pateshull[] archidiacono Norff[] Thoma de Kaunvill[] Willelmo de Insula Ricardo de Duk[] Justiciis et aliis Domini Regis fidelibus tunc ibi presentibus inter Robertum abbatem de Rufford[] querentem et Lancelinum de Stokes et Aviciam uxorem eius impedientes de medietate manerii de Abbeneya cum pertinentiis unde placitum warantie carte summonitum fuit inter eos in eadem curia scilicet quod predicti Lancelinus et Avicia recognoverunt totam medietatem predicti manerii cum pertinentiis esse jus ipsius abbatis et ecclesie sue de Rufford[] ut illam quam idem abbas habet ex dono Mathei de Pouinton[] avi predicte Avicie cuius heres ipsa est habend et tenend predicto abbati et successoribus suis et ecclesie sue de Rufford[] de predictis Lancelino et Avicia et heredibus ipsius Avicie in liberam et perpetuam elemosinam reddendo inde per annum tres solidos sterlingorum ad festum apostolorum Petri et Pauli pro omni servicio et exactione Et predicti Lancelinus et Avicia et heredes ipsius Avicie warantizabunt predicto abbati et successoribus suis et ecclesie sue de Rufford[] totam medietatem predicti manerii cum pertinentiis contra omnes homines imperpetuum per predictum servicium Et predictus abbas recipit predictos Lancelinum et Aviciam in singulis benefactis que de cetero fient in domo sua de Rufford[] imperpetuum I

Source Fulltext: Rufford Charters. C. J. Holdsworth. Thoroton Society Record Series, V.29. Thoroton Society of Nottinghamshire. Derry & Sons. Nottingham. 1972.