Walterus de Ayncurt et Johannes filius suus et heres universis sancte matris ecclesie filiis salutem Universitati vestre notum sit volumus nos concessisse et dedisse Deo et ecclesie sancte Marie de Styk[] et monialibus ibidem Deo famulantibus in perpetuam elemosinam et liberam et quietam ab omni seculari servicio x percatas prati in marisco Blankeneie ab aqua Wideme quam longe pratum durat et a fine prati xl percatas in latitudine per medium mariscum usque ad certam terram scilicet Caredic Hanc concessionem et donacionem fecimus pro nobis monialibus ipsis et pro animabus omnium parentum nostrorum ut simus participes omnium beneficiorum que fiunt vel fient in ecclesia sua Istam elemosinam contra omnes homines nos et heredes nostri warantizabimus et acquietabimus et defendemus ab omni seculari exaccione sicut puram elemosinam et immunem de nobis et omnibus heredibus nostris de ista elemosina sic concessa et data in liberam possessionem sancte matris ecclesie Isti advocati sunt a nobis in testimonium in capitulo sancte Marie Linc[] magister Hamo cancellarius Sywardus canonicus etc Hanc donacionem affidaverunt in manu Sywardi canonici tenend et warantizandam in conspectu prenominatorum testium Hac carta facta est anno m c lxi incarnacionis domini et vij anno coronacionis Henerici regis secundi vj feria ante festum sancti Martini

Source Fulltext: Thurgaton Cartulary. T. Foulds. Paul Watkins Medieval Studies, 8. Paul Watkins. Stamford. 1994.