Memorandum quod cum contencio mota esset inter dominum Radulphum filium et heredem domini Ankeri de Frechevill[] dominum de Cruch[] ex una parte et Henricum de Codinton ex altera per breve domini regis per formam donacionis coram justiciariis de Banco super duabus bovatis terre in Shukthorn[] cum pertinenciis in villa de Cruch[] tandem contencio conquievit in hunc modum inter predictos videlicet quod predictus Radulphus concessit confirmavit et omnino pro se et heredibus suis imperpetuum quietum clamavit predicto Henrico de Codinton[] et heredibus et suis assignatis et eorum heredibus totum jus et clamium quod habuit vel habere potuit ex quacumque causa in dictis duabus bovatis terre cum liberis communis et aliis pertinenciis predictis duabus bovatis terre ubique spectantibus Salvo predicto Radulpho et heredibus suis uno pari calcarium [deauratorum] vel sex denariis argenti ad libitum dicti Henrici annuatim solvendum ad festum pasche pro omnibus salvis forincecis tanto tenemento pertinentibus et salvo predicto Radulpho et heredibus suis jure clamio et dominio de Lessyay Ita quod nec predictus Radulphus nec heredes sui nec aliquis nomine corum aliquod jus clamium vel demandam in predictis duabus bovatis terre cum pertinenciis ex[c]epto dicto pari calcarium deauratorum vel sex denariis annui redditus forinceco jure clamio et dominio de Lessiay ut predictum est exigere nec vendicare poterunt nec poterit imperpetuum In cujus rei testimonium presenti scripto indentato predictus Radulphus sigillum suum apposuit Hiis testibus Nicholao de Wak[] Waltero de Whetcroft[] Galfrido de Plastowe Ricardo Kybbul[] Waltero de Lyndale Adam le Heir Willelmo de Longeley clerico et aliis Datum apud Staveleye octavo idus Aprilis anno regni regis Edwardi tricesimo secundo

Source Fulltext: The Cartulary of the Wakebridge Chantries at Crich. A. Saltman. Derbyshire Archaeological Society Record Series, V.6. Derbyshire Archaeological Society. Derby. 1976.