Sciant presentes et futuri quod nos Reginaldus de Grey dedimus concessimus et hac presenti carta nostra confirmavimus Roberto de Holewey et heredibus suis omnes terras et tenementa cum omnibus pertinenciis suis que habuimus de dono et feoffamento ejusdem Roberti in villa de Holewey la Lee et Cruch[] Habendum et tenend de nobis et heredibus nostris predicto Roberto heredibus et assignatis suis libere quiete pacifice imperpetuum Reddendo inde annuatim nobis et heredibus nostris duodecim denarios ad duos anni terminos videlicet ad festum nativitatis sancti Johannis Baptiste sex denarios et ad festum sancti Martini sex denarios pro omnibus serviciis et secularibus demandis salvo forinceco servicio domini regis quod pertinet ad predicta tenementa Et nos predictus Reginaldus et heredes nostri warantizabimus omnes predictas terras et tenementa cum omnibus pertinenciis suis predicto Roberto et heredibus suis et suis assignatis per predicta servicia contra omnes gentes imperpetuum In cujus rei testimonium huic presenti carte sigillum nostrum apposuimus Hiis testibus dominis Johanne de Arderne de Orreby Thoma de Wodhull[] Roberto de Dethek[] militibus Johanne Deyncourt Rogero le Breton[] Roberto de Riboef[] et aliis Dat[] apud Schirlond[] die lune in festo sancti Botulphi anno regni regis Edwardi xxx primo

Source Fulltext: The Cartulary of the Wakebridge Chantries at Crich. A. Saltman. Derbyshire Archaeological Society Record Series, V.6. Derbyshire Archaeological Society. Derby. 1976.