Omnibus Christi fidelibus ad quos presentes littere pervenerint decanus et capitulum ecclesie beate Marie Salop[] libere capelle domini Regis Anglie salutem in veris amplexibus salvatoris Cum religiosi viri abbas et conventus monasterii Sancti Johannis Evangeliste de Haghmon[] terras et nemora nemori nostro de Asteley contingua habeant et vicina super quorum limitibus inter dictos religiosos et nos posset orriri lis seu contencio in futuro Set quia pacem et tranquilitatem habere et cum omnibus et percipue viris ecclesiasticis affectamus volentes precludere viam liti ne iidem religiosi per nos iniustis exaccionibus quomodolibet superdictarum terrarum et nemorum bundis seu finibus molestentur ad instruccionem et informacionern plenam habendam super iure dictorum religiosorum inspeximus cartas fundatorum monasterii antedicti qui eis dictas terras et nemora inperpetuarn elemosinam conferebant In quibus cartis iidem fundatores exprimunt et assignant limites infrascriptos videlicet a campo de Sonderne per illam semitam que ducit propius boscum de Asteley usque le Blakelake versus Wideforde et sic descendendo usque le Wytesiche et sic per illud sichetum usque terram de Haghton Quos quidem fines et limites quantum in nobis et successoribus nostris approbamus ratificamus ac eis pro perpetuo confirmamus Concessimus eciam eisdem abbati et conventui et eorum successoribus ac tenentibus et hominibus eorum de Offynton[] communa pasture ad omnia pecora et averia sua ubicumque infra dominum de Asteley pro qua concessione iidem abbas et conventus solvent nobis annuatim xiid argenti ad festum Sancti Michaelis Arch[] Dat[] Salop[] in ecclesiam nostram predictam viii die Octobris anno regni Regis Henrici xli

Source Fulltext: The Cartulary of Haughmond Abbey. Una Rees. Shropshire Archaeological Society and Univ. of Wales Press. Univ. of Wales Press. Cardiff. 1985.