Omnibus Christi fidelibus presens scriptum inspecturis vel audituris Decanus de Hecham salutem eternam in domino Noverit universitas nos ad mandatum venerabilis patris Willelmi de Ralega Norwicensis episcopi et Magistri W de Clara officialis eiusdem et Magistri Roberti de Carlevilla officialis Archidiaconi Norf[] dominos abbatem et conventum de Haghmon per dilectum Alexandrum de Ercalwe eiusdem domus priorem procuratorem eorum ad hoc specialiter datum in corporalem possessionem ecclesie de Hunstanestun[] cum suis pertinentiis omnibus tanquam veros eiusdem ecclesie rectores induxisse ac possessionem eorum pristinam reformasse ad pauperum domus eorum sustentacionem in pios usus imposterum possidendam secundum instrumentorum suorum in pleno capitulo apud Hunstaneston lectorum inspectorum et intellectorum tenorem salvo competenti vicaria per Dominum Norwicensem episcopum taxanda et ad presentacionem dictorum abbatis et conventus vicario perpetuo conferenda quem Dominus Norwicensis Episcopus nominaverit In cuius rei testimonium signum capituli nostri huic scripto apposuimus et testes subscripti quod hoc rogati et presentes subscripserunt et signa sua apposuerint Acta sunt autem omnia ista die Sancti Francissi apud Hunstaneston anno Domini millesimo ccxl

Source Fulltext: The Cartulary of Haughmond Abbey. Una Rees. Shropshire Archaeological Society and Univ. of Wales Press. Univ. of Wales Press. Cardiff. 1985.