Omnibus hoc scriptum visuris vel audituris Matilda de Multon[] domina de Gillesland[] salutem in Domino Noveritis me in libera et ligya potestate ac viduitate mea dedisse concessisse et presenti carta mea confirmasse pro salute anime mee et pro animabus antecessorum et successorum meorum Deo et beate Marie Magdalene de Lanrecost[] et canonicis ibidem Deo servientibus lapidicinam in terra mea de Gillesland[] ubi viderint sibi magis expedire ac opportunum esse in liberam puram et perpetuam elemosinam Ita quod de lapidicina huiusmodi lapides effodere accipere et inde cariare possint pro voluntate sua sine impedimento mei vel heredum meorum Dumtamen lapidicinam non eligant infra parcum meum vel bladum aut in alio loco ubi evidenter appareat quod magnum et manifestum dampnum ac gravamen inde mihi vel heredibus meis possit provenire Salva etiam mihi et heredibus meis cum opus habuerimus lapidicina sufficienti In cuius rei testimonium presenti scripto sigillum meum apposui Testibus domino Hugone de Multon[] domino de Hoffe domino Huberto de Multon[] militibus Roberto de Warthewik[] Hugone de Talkan Willelmo de Neuby Roberto de Lamore Thoma Byrkinside et aliis Datum apud Yrthington[] xii kal[] Augusti anno Domini m ducentesimo nonagesimo secundo

Source Fulltext: Lanercost Cartulary. J. M.Todd. Cumberland and Westmorland Antiquarian and Archaeological Society Record Series, V.11. Surtees Society. Athenaeum Press. Durham. 1997.