Omnibus hoc scriptum visuris vel audituris Robertus de Denton[] filius quondam johannis de Denton[] senioris salutem in Domino Noveritis quod cum ego tenui quandam terram que appellatur Peryhowe de dominis meis religiosis viris priore et conventu de Lanrecost[] pro annuo redditu sexdecim solidorum ego sentiens me minus potentem ad solvendam eisdem religiosis tantam summam pecunie annuatim pro terra memorata et ad onera eidem terre incumbentia sustinenda totam terram supradictam cum omnibus pertinenciis suis dictis religiosis dominis meis spontanea voluntate mea reddidi et quietam clamavi cum omni jure et clamio quod in dicta terra habui Ita quod ego vel heredes me seu aliquis alius nomine nostro in dicta terra de Peryhowe cum pertinenciis nullum jus vel clamium de cetero inperpetuum exigere poterimus vel vendicare In cuius rei testimonium presenti scripto sigillum meum apposui Testibus Willelmo de Montibus tunc senescallo Gillesland[] johanne de Denton[] Roberto de Lanreton[] Roberto de Vallibus de Treuerman Hugone de Talkan Roberto de la More Thoma de Birkinside et aliis Actum et datum apud Lanrecost[] die Iovis proximo ante festum sancti Valentini martiris anno Domini m ducentesimo nonagesimo quarto

Source Fulltext: Lanercost Cartulary. J. M.Todd. Cumberland and Westmorland Antiquarian and Archaeological Society Record Series, V.11. Surtees Society. Athenaeum Press. Durham. 1997.