Universis Christi fidelibus presentes literas visuris vel audituris Patronus rector ecclesie de Skelton[] venerabilis patris r[oberti] Dei gracia Karleolensem episcopi offic[ialis] salutem in Domino sempiternam Cum mota esset controversia super decimis de Fulwode coram precentore Karleolensi et offic[iale] venerabilis viri magistri w[alteri] archidiaconi Karleolensis ac aliis subdelegatis discreti viri cancelarii Canteb [...] Elyens[] diocesis judicis a sede apostolica delegati inter magistrum Radulfum de Tyllioll[] rectorem ecclesie de Kambok[] ex una parte et priorem et conventum de Lanrecost[] Karleolensis diocesis ex altera placuit partibus quod lis predicta auctoritate diocesana terminaretur Cumque partes prefate ordinationi venerabilis patris r[oberti] Dei gracia Karl[eolensis] episcopi in toto se submisissent ideo episcopus in crastino sancte Trinitatis anno Domini m cc lm nono in prioratu Karl[] existens predicto rectore de Kamboc pro se personaliter comparente prenominatis vero priore et conventus de Lanrecost per Hugonem suppriorem Willelmum sacristam et Symonem cellerarium canonicos de Lanrecost comparentibus de partium expressa voluntate super dictis decimis de Fulwode ordinavit in hunc modum videlicet quod preter terras de Lanerekaythin que de novo ad culturam sunt redacte et quas pars utraque in sua asserebat esse parochia residue decime de Fulwode inter partes equaliter dimidiarentur nobis ad predictam divisionem vices suas committendo Nos vero partibus prenominatis diem in crastinum prefiximus ad ecclesiam de Kambok[] quibus ibidem comparentibus inter ipsas ita amicabiliter convenit quo ad terras de Lanerekaythin scilicet quod predicte terre de Lanerekaythin que tunc culte fuerant et que in posterum ad culturam redigi poterant ecclesie de Kamboc[] loco unius eskeppe faffine remaneat Deinde autoritate nobis super hoc concessa prenominatas decimas de Fulwode inter partes in hunc modum dimidiavimus ac etiam per visum legalium virorum juratorum sententialiter dimidiamus presentibus domino Rogero decano Karl[] et vicario de Esseby magistro Radulfo legato johanne de Dirreton[] et Johanne Armestrang[] clericis Galfrido de Tyllioll[] Roberto de Tyllyoll[] et multis aliis Scilicet quod molendinum de Fulwode totaliter remaneat ecclesie de Kambok[] et quo ad decimas terrarum tam prediales quam personales ac jura alia parochialia versus occidentem ad ecclesiam de Kambock[] jure parochiali pertineant incipiendum ad magnum Lanrekaythin ita quod totum remaneat ecclesie de Kambok[] et sic ascendendo usque ad Winterscales ita quod Winterscale remaneat ecclesie de Kambok[] et sic usque Alarkebekkeheued ita quod remaneat ecclesie de Kambok[] et sic usque Lauerkerwode ita quod remaneat ecclesie de Kambok[] et sic descendendo usque in Gaitemosse et sic per medium Gaytemosse per unam siketam usque in Leuen inter terram Nicholai filii Bridin et terram N del Rowent[] ita quod omnes inhabitantes infra dictas divisas versus occidentem remaneant ecclesie de Kambek et omnes inhabitantes extra divisas predictas versus orientem remaneant ecclesie de Lanerecost In cuius rei testimonium sigillum nostrum una cum sigillo decani Karl[]i et aliorum fidedignorum qui predicte divisioni interfuerunt apposuimus Dat[] apud Kambok[] die Martis proxima post festum sancte Trinitatis anno quo supra

Source Fulltext: Lanercost Cartulary. J. M.Todd. Cumberland and Westmorland Antiquarian and Archaeological Society Record Series, V.11. Surtees Society. Athenaeum Press. Durham. 1997.