Hec est finalis concordia facta in curia domini regis apud Westm[] die martis proxima post octabas Pasche anno regni regis Johannis secundo coram G filio Petri Ricardo de Her[] Simone de Pateshill[] Johanne de Gestling[] Eustacio de Faucunberge Henrico de Wichenton[] Godefrido de Insula justic[] et aliis baronibus domini regis tunc ibi presentibus inter Walkelinum priorem de la Lande petentem et Ricardum Basset tenentem de una carucata terre cum pertinentiis in Weston[] unde placitum fuit inter eos in prefata curia scilicet quod predictus prior remisit et quietum clamavit predicto Ricardo et heredibus suis totum jus et clamium quod habuit in predicta terra de se et successoribus suis inperpetuum Et pro hac quieta clamantia et fine et concordia predictus Ricardus dedit et concessit deo et ecclesie sancti Johannis baptiste de la Lande in puram et perpetuam elemosinam duas virgatas terre cum pertinentiis in Weston[] de eadem terra scilicet unam bovatam terre quam Galfridus palmerus tenuit et unam bovatam quam Hugo parmentarius tenuit et unam bovatam quam Willelmus filius Roberti tenuit et Unam bovatam quam Petrus palmerus tenuit Et preter hoc idem Ricardus concessit predicto priori et successoribus suis ut habeant annuatim tres vaccas in pastura sua propria in Weston[] inperpetuum Et hec concordia facta fuit concessu et voluntate Willelmi Franceis positi loco Sibille Maudut que prius tenuit predictas duas virgatas terre in dotem et eo presente

Source Fulltext: Basset Charters c.1120 to 1250. William T. Reedy. Pipe Roll Society, V.88, New Series V.50. Pipe Roll Society. J. W. Ruddock. Lincoln. 1995.