Venerabilibus viris W dei gratia abbati de Tama et priori de Abbendona et magistro T de Wateleia Gilebertus Basset salutem Sciatis me audivisse quod prior et canonici de sancta Fridaswitha ponunt in placitum coram vobis canonicos de Oseneia super ecclesia sancte Marie Magdalene extra portam de Oxneford[] Sed quia eadem ecclesia spectat ad ecclesiam sancti Georgii que est capella de castello domini regis et si canonici de sancta Fridaswitha possent predictam ecclesiam dirationare vel sesinam eiusdem ecclesie optinere capella ipsa demembraretur et sustineret dominus rex et ballivi eius magnam jacturam et dampnum de servitio suo in prefata ecclesia sancti Georgii cuius luminaria et vicarii sub[] certo numero assignati prefata ecclesia beate Marie Magdalene et aliis pertinentiis sustentantur Item quia dominus rex utramque ecclesiam prenominatis canonicis de Oseneia propter cartam suam et suorum antecessorum debet warantizare et ad eum pertinet libertates predictarum ecclesiarum et jura integre conservare ideo pro libertate et pert[i]nentiis utriusque ecclesie in predicta causa ad dominum papam appello et etiam presentium latorem R de Bisel[] ad appellandum coram vobis procuratorem facio Valete et tantum faciatis ut domino regi debitum honorem deferatis

Source Fulltext: Basset Charters c.1120 to 1250. William T. Reedy. Pipe Roll Society, V.88, New Series V.50. Pipe Roll Society. J. W. Ruddock. Lincoln. 1995.