Universis Christi fidelibus presentem cartam inspecturis vel audituris Johannes dei gratia abbas Malmesbyr[] et eiusdem loci conventus salutem eternam in domino Noverit universitas vestra nos concessisse et hac presenti carta nostra confirmasse domino Alano Basset et heredibus suis parcum suum de Wotton[] in quo communam habere clamavimus tenend et habend eisdem bene et in pace plene et integre in perpetuum solutum et quietum omnino de nobis et successoribus nostris ita quod nos vel successores nostri numquam aliquid juris vel clamii in ipso parco vendicare possimus set ita in perpetuum per easdem metas permaneat sicut fuit die illa qua carta ista confecta fuit Et ut hec concessio nostra robur perpetuitatis obtineat presentem cartam sigillorum nostrorum attestatione roboravimus Act[] in capitulo conventuali de Malm[] die sancti Jacobi apostoli anno regis Henrici filii regis Johannis quinto decimo scilicet anno gratie mccxxxj Hiis testibus domino Symone tunc priore de Bradenastok[] Roberto Maudut Reginaldo de Kalna Johanne de Chereburg[] Roberto de la Mare Willelmo de Monte Acuto Willelmo de Kalna Petrus Burel Thoma de Cherleton[] et multis aliis

Source Fulltext: Basset Charters c.1120 to 1250. William T. Reedy. Pipe Roll Society, V.88, New Series V.50. Pipe Roll Society. J. W. Ruddock. Lincoln. 1995.