Hoc cyrographum testatur quod nos abbas de Sallai et ejusdem loci conventus concessimus et ad firmam dimisimus Johanni Graindorge totam terram nostram quam habemus in campo de Berghubi versus Kerkebi et totam terram quam habemus in Subbingnes et in Heselheved cum tota pastura nostra in marisco juxta novum parcum domini Henrici de Perci cum bosco de Heselheved et totam terram quam habemus in le Bergh et Oulheved et in le Spen et duo crofta que abbuttant super parcum ipsius Johannis Graindorge et le Clailand[] et duas seliones que abbuttant super parcum ejusdem Johannis cum omnibus suis pertinenciis tenend et habend predicto Johanni et heredibus vel assignatis suis in suo seperali omnibus temporibus anni de nobis et successoribus nostris usque ad terminum xl annorum proximo sequencium plenarie completorum reddendo inde nobis et successoribus nostris per annum xx sol ad Pentecosten et sancti Martini in yeme per equales porciones termino incipiente ad festum sancti Michaelis anno regni regis Edwardi filii regis Henrici tricesimo primo Et nos et successores nostri omnia predicta tenementa predicto Johanni et heredibus vel assignatis suis in separalitate sicut predictum est usque ad finem termini predicti contra omnes homines warantizabimus adquietabimus et defendemus In cujus rei testimonium ego Johannes huic parti penes abbatem et conventum residenti sigillum meum apposui Testibus Philippo de Arundel Nicholao de Wetherbi Rogero de Lintona et aliis multis

Source Fulltext: Chartulary of the Cistercian Abbey of St. Mary of Sallay in Craven. Joseph MacNulty. Yorkshire Archaeological Society, V.99. Yorkshire Archaeological Society. West Yorkshire Print Co. Wakefield. 1934.