Hoc cirographum testatur quod ego Johannes Grayndorge concessi et ad firmam dimisi abbati et conventui de Sallai totam partem meam cum toftis et croftis ex utraque parte del Hutelon in villa de Bergubi sicut divise facte sunt inter terram meam et terram ipsius abbatis in eadem villa que se extendunt juxta portam per quam intratur en le Spen et sic descendendo per fossatum meum quod includit le Spen et per divisas de Kirkeby usque in Swindonbec que circuit mariscum meum usque ad fossatum ipsius abbatis et eciam totam partem meam quam habeo in le Westmor cum omnibus divisis et pertinenciis suis infra villam de Bergbi et extra habend et tenend predictis abbati et conventui et eorum successoribus vel assingnatis in suo separali omnibus temporibus anni de me et heredibus meis usque ad terminum xx annorum proximo sequencium plenarie completorum termino incipiente ad festum sancti Michaelis archangeli anno regni regis Edwardi filii regis Henrici tricesimo primo reddendo inde per annum michi vel heredibus meis xx sol argenti ad Pentecosten et sancti Martini in yeme per equales porciones Et ego vero Johannes et heredes mei omnia predicta tenementa cum suis pertinenciis in separalitate predictis abbati et conventui et eorum successoribus vel assignatis contra omnes homines sicut supradictum est usque ad finem termini predicti warantizabimus adquietabimus et defendemus In cujus rei testimonium ego Johannes huic parti penes predictos abbatem et conventum residenti sigillum meum apposui Testibus P de Arundel Nig[] de Wetherbi Rogero de Lintona et aliis

Source Fulltext: Chartulary of the Cistercian Abbey of St. Mary of Sallay in Craven. Joseph MacNulty. Yorkshire Archaeological Society, V.99. Yorkshire Archaeological Society. West Yorkshire Print Co. Wakefield. 1934.