Hec Indentura testatur quod cum Johannes filius roberti de Everele omnes terras [...] et servicia sua in Nafferton et Wyndosom [...] Roberto de Everle patri suo ad terminum viginti quatuor annorum dimisisset prout in scriptis inde inter eos indentatis plenius continetur ac idem Johannes pro observacione termini predicti aliisque de causis eidem Roberto per recognicionem in Statuto Mercatorum de Achtonburnel in centum libris fuisset et esset obligatus idem Robertus concessit [...] quod termino suo predicto fideliter observato dumtamen infra terminum predictum per maliciam dotum fraudem sive vindicionem ejectus non fuerit sive impeditus dampnum sive jacturam pro defectu warantie sive defensionis tenementorum predictorum non incurrerit durante termino prenotato quod predictum statutum centum librarum virtute presencium vacuum sit irritum et inane et in fine termini predicti eidem Johanni [...] integre retradatur Et predictus Johannes concessit [...] quod si dictum Robertum [...] de tenementis predictis ex aliqua causa prenotata ejectos esse contigerit sive impeditos quod bene liceat eidem Roberto [...] dictum statutum prosequi pro voluntate sua presenti scripto non obstante [...] Data apud Nafferton die Lune in crastino sancti Michaelis Archangeli anno Domini m trecentesimo octavo

Source Fulltext: Percy Cartulary. M. T. Martin. Surtees Society, V.117. Surtees Society. Andrews & Co. Durham. 1911.