Cum contencio aliquo tempore mota fuerit inter dominum henricum filium willelmi de Perci ex una parte et dominum Petrum de Perci ex altera de quodam homagio facto domino regi ita convenit inter ipsos scilicet die Jovis in vigilia apostolorum Symonis et Jude anno regni regis Henrici filii regis Johannis xlv to videlicet quod predictus dominus Henricus elegit ex parte sua Ricardum de Suynton et Ricardum de Middelton et predictus dominus Petrus dominum Hugonem le Bygot et dominum Willelmum de Wilton ex parte sua qui quemdam finem factum in curia domini regis quem dictus dominus Petrus dicit se habere penes se de predicto homagio licite faciendo examinabunt et ipso examinato partibus pronunciabunt si predictus dominus Petrus dictum homagium de jure facere possit domino regi sine exheredacione dicti domini Henrici et si sic predictus dominus Petrus in pace remaneat de dicto homagio domino regi facto Et si inter se videant quod per predictum finem dictum homagium de jure facere non debuisset predictus dominus Petrus per consideracionem eorundem faciet emendas predicto domino Henrico [...] de predicta transgressione secundum quod decreverint faciendum [...]

Source Fulltext: Percy Cartulary. M. T. Martin. Surtees Society, V.117. Surtees Society. Andrews & Co. Durham. 1911.