Sciant [...] frater thomas de Kirkeby abbas de Alnewyk et ejusdem loci conventus [...] quietam clamaverunt domino Johanni de Vesci communam totam quam habuerunt in mora que est inter coopertum de Holne et terram arrabilem campi de Hecclif incipiendo ad portam in orientali parte bercarie de Henneden et sic versus orientem per magnam viam viridem ad capita selionum usque ad corneram occidentalem campi arrabilis quam Lambertus de Holme aliquando tenuit et aravit Ita quod liceat ipsi domino Johanni [...] dictam moram et pasturam claudere pro sua voluntate et in defenso tenere [...] per easdem limites et metas per quas predictus dominus Johannes et predictus frater Thomas tunc abbas ex mutuo assensu perambulacionem fecerunt Ita eciam quod si animalia et pecora ipsorum abbatis et conventus [...] predictam moram et pasturam intraverint pro defectu clausture deliberabuntur sine occasione Et pro hac [...] predictus dominus Johannes [...] concessit predictis abbati et conventui in escambium totum illud groune bosci et pasture infra coopertum et extra in extremitate de Heffirsid a magno lapide stante in alto in australi veteris fontorii plumbi descendendo per sikettum et de extremitate siketti illius per medium coopertum usque ad quoddam petarium " et sic in australi illius petarii deorsum usque ad quemdam pontem sicut predictus dominus Johannes de Vesci et predictus abbas frater Thomas limites fecerunt habend et tenend [...] et claudendum pro voluntate ipsorum in liberam [...] elemosinam [...] ad commodum suum inde faciendum [...] salva tamen dominis feodi venacione ibidem Homines autem de Howton et de Lescebir[] venientes ad forestam de Holne cum carris et carectis ad meremium vel buscam querendum habebunt introitum et exitum licite per medium predicti clausi [...] cum necesse habuerint absque mora et dampno faciendis ibidem Sciendum est autem quod animalia et pecora quecunque veniencia de quibuscunque partibus foreste de Alnewyk si predictum clausum intraverint pro defectu clausture rechaciabuntur sine occasione [...] Actum apud Alnewyk die Dominica proxima post octabas Purifacionis beate Marie anno gracie m cc octogesimo tercio Et sciendum est quod tota via magna de porta de Hennedon versus orientem in capite selionum terre arrabilis remanet dicto abbati et successoribus suis extra clausum

Source Fulltext: Percy Cartulary. M. T. Martin. Surtees Society, V.117. Surtees Society. Andrews & Co. Durham. 1911.