Laurencius de Wollour optulit se iiij die versus Radulfum magistrum Hospitalis sancti Johannis Baptiste de Werkeworth de placito duorum messuagiorum et xxiiij or acrarum terre in Overbotliston que clamat ut jus etc per breve de ingressu Et ipse non venit et alias fecit defaltam scilicet coram Johanne de Metingham et sociis suis justiciariis domini regis de Banco a die Pasche in xv dies anno regni regis nunc vicesimo postquam sommonitus etc ita quod tunc preceptum fuit vicecomiti quod caperet predicta tenementa in manu domini regis et quod diem etc et quod summoniret eum quod esset coram eisdem justiciariis de Banco in octabas sancti Michaelis proximo sequentes ad quem diem predictus Laurencius fecit se essoniari etc versus predictum Radulfum de placito predicto Et Radulfus hic per communem sommonicionem istius itineris ad hunc diem Et predictus Radulfus modo non venit Judicium predicta tenementa capiantur in manu domini regis et ipse summoniatur quod sit hic die Lune proxima post festum apostolorum Philippi et Jacobi auditurus judicium suum Et super hoc venit Robertus filius Rogeri et dicit quod predictus Radulfus nichil habet in predictis tenementis nisi ad voluntatem suam eo quod idem Radulfus assignatus est per ipsum Robertum ad divina celebranda in quadam capella pro antecessoribus fundata in predicta villa Et dicit quod predictus Radulfus gratis volt amittere e predicta tenementa in exhereditacionem ipsius Roberti et petit quod admittatur ad respondendum etc Et Laurencius dicit quod predictum tenementum est annexum predicto hospitali sancti Johannis Baptiste de Werkeworth unde predictus Radulfus est magister et quod idem hospitalis habet sigillum commune per quod idem magister et fratres sui hospitalis predicti dare et vendere possunt tenementa sua et alia ad dictum hospitale spectancia et ea alienare pro voluntate sua Et preterea dicit quod ista tenementa que ipse modo petit nuncquam fuerunt data predicto hospitali nec isti magistro per predictum Robertum nec per aliquem antecessorem istius Roberti et quod idem Robertus nichil habet in predicto hospitali nisi tantum advocariam et petit judicium de defalta predicti magistri etc Et petit quod inquiratur Et Robertus filius Rogeri similiter Ideo fiat inde jurata Postea venit predictas Radulfus et cognovit quod nichil habet in predictis tenementis nec aliquid clamium in eisdem nisi ad voluntatem ipsius Roberti filii Rogeri etc Et predictus Laurencius petit quod inquiratur Ideo fiat inde jurata Qui dicunt [...] quod predictum tenementum fait jus et hereditas cujusdam Hugonis de Wolloure avi istius Laurencii qui paupertate ductus accessit ad predictum Robertum et ipsum de eodem tenemento feoffavit pro victu et vestitu habend in predicto hospitali in quo obiit Et dicunt quod postquam predictus Robertus habuit seisinam predicti tenementi assignavit ipse illud tenementum predicto hospitali et capellano suo ibidem divina celebranti de die in diem tenend ad voluntatem ipsius Roberti dum se bene et honeste gereret Et dicunt quod idem Robertus amovit duos capellanos et ibi posuit alios ad voluntatem suam etc Et ideo consideratum est quod predictus Robertus sit inde sine die et Laurencius nichil capiat per breve suum sed sit in misericordia pro falso clamore etc

Source Fulltext: Percy Cartulary. M. T. Martin. Surtees Society, V.117. Surtees Society. Andrews & Co. Durham. 1911.