Omnibus Christi fidelibus ad quos presens carta pervenerit Rainaldus Dei gracia Bathon episcopus salutem in Domino Primum est et racioni consentanium singulis ecclesiis in diocesi nostra constitutis quietem et tranquillitatem providere et conservare Inde est quod ad universitatis vestre noticiam volumus pervenire nos concessisse Henrico venerabili abbati Glaston et eius successoribus et ecclesie Glaston in perpetuum ut septem ecclesie sue videlicet - ecclesia Sancti Johannis Glaston ecclesia de Mera ecclesia de Streta ecclesia de Budekeleya ecclesia de Sapewica ecclesia de Murilinch et ecclesia de Sowi de cetero nulli penitus respondeant archidiacono nec nobis ipsis vel successoribus nostris in aliquo nisi in hiis que de iure sine auctoritate episcopali non poterunt terminari videlicet in discidiis et appellacionibus ad nos vel successores nostros factis vel faciendis et institucionibus personarum et solemnibus penitenciis parochianorum et clericis ordinandis et ecclesiis dedicandis eo salvo quod denarios sancti Petri et denarios de caritate persolvant quos actenus solvere consueverunt Quod ut ratum habeatur et firmum presentis scripti patrocinio et sigilli nostri apposicione duximus confirmandum Hiis testibus domino Hugone Dunelmense domino Hugone Cestrense episcopis Hugone Bardulfo Willelmo Briwere Francone de Bohun Radulfo sine Averio Radulfo filio Bernardi Jordano de Wedmedon[] Alexandro decano Wellen Rogero Winton Thoma Wellen archidiaconis Magistro Roberto de Geldeford archidiacono Jocellini capellano Willelmo de Cerd[] Magistro Rogero de Doveliz Hugone de Well[] Rogero de Godest[] Willelmo de Winton Willelmo de Mertok[] et aliis multis

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.