Omnibus Christi fidelibus ad quos presens scriptum pervenerit Robertus de Lisours clericus salutem in Domino Noverit universitas vestra quod ego spontanea voluntate mea pure et absolute remisi in perpetuum abbati et conventui Glaston racione ecclesie sue de Schapwyk[] totum ius quod habui vel habere potui vel habere me credebam in capella de Aysshecote dicte matricis ecclesie de Schapwyk[] Remisi eciam eodem modo eisdem totam possessionem si quam unquam habui in dicta capella sive nomine personatus sive nomine vicarie necnon et omnem accionem que michi competebat vel potuit competere vel credebam michi competere racione dicti iuris aut possessionis eisdem similiter pure et in perpetuum remisi sacramento iurisiurandi super hiis omnibus fideliter observandis a me solempniter et corporaliter tactis sacrosanctis euangeliis prestito Eodem eciam iuramento me obligavi quod nunquam domum Glaston nec aliquem nomine ipsius per me vel per interpositam personam nec aliquem alium racione dicte capelle de Aysshecote neque racione alicuius pensionis inde michi debite vere vel verisimiliter nec super aliquibus arriragiis inquietabo vel inquietari procurabo Immo indempnitatem dictorum abbatis et conventus et dicte capelle dicte matrici ecclesie pertinentis quantum in me est observabo per omnia liberavi eciam predicto sacramento eisdem omnia instrumenta que habui super collacione vel concessione quatuor marcarum quas dicebam me habere nomine personatus ita quod si aliquid sit penes me vel alio eisdem abbati et conventui non liberatum illud sit invalidum et inefficax in perpetuum Ista autem omnia predicta coram iudice vel iudicibus quos ad hoc elegerint interveniente dicto sacramento iterabo et confitebor et sigillum eius vel eorum scripto meo patenti hec omnia predicta continenti cum subscripcione mea apponi in iudicio procurabo preterea si scriptum hoc abbati et conventui predictis vel eorum consilio minus sufficiat vel aliquid apponendum vel detrahendum vel corrigendum in eo videatur teneor illud corrigere et mutare prout disposuerint absque omni contradiccione et dilacione In cuius rei testimonium huic scripto sigillum meum apposui Hiis testibus Magistro Willelmo de Cherleton[] Willelmo capellano de Buddeclegh[] Willelmo de Lavandr[] Haroldo de Marisc[] Matheo Pasturel Willelmo Aurifabro et aliis Acta apud Glaston octavo decimo Kaln Januar anno gracie mccxli

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.