Universis sancte matris ecclesie filiis presentes literas inspecturis Robertus permissione divina Bath et Well episcopus salutem in Dno sempiternam Cum per sedem apostolicam provide sit statutum quod ad presentacionem monachorum nullus suscipiatur vicarius per loci diocesanum nisi tantum de proventibus ecclesie ipsius ad cuius vicariam presentatur coram ipso episcopo fuit assignatum unde iura episcopalia possit persolvere et congruam sustentacionem habere nos Robertus Bath et Well episcopus supradictus volentes vicariam ecclesie de Estbrente et vicarium qui pro tempore instituendus fuerit in eadem taxare accedente ad hoc consensu dilectorum filiorum nostrorum abbatis et conventus Glaston qui dictam ecclesiam in usus proprios possident decernimus et statuimus vicariam et vicarii porciones in hiis rebus consistere videlicet quod vicarius qui pro tempore fuerit instituendus in ea habeat omnes decimas et obvenciones ad dictam ecclesiam de Estbrente spectantes tam de molendinis quam de feno quam de aliis quocunque nomine censeantur decima garbarum excepta tantummodo que remanebit predictis abbati et conventui Glaston habebit eciam predictus vicarius xlix acras terre arrabilis et ix acras prati libere absque decima persolvenda et decimas ortorum redditus et servicia quatuor tenencium qui erant quondam tenentes rectoris ipsius ecclesie habebit eciam pasturam ad sex boum et quinque vaccas et quinque boviculos et unum affrum in pastura abbatis et conventus inhabitabit eciam domos que erant rectoris et mansum ipsius habebit quousque dicti abbas et conventus edificaverint sibi mansum competens in loco competenti Sustinebit eciam vicarius qui pro tempore fuerit et persolvet omnia onera ordinaria ipsi ecclesie incumbencia que talia sunt quod idem vicarius solvet unam marcam debitam nomine pensionis infirmario Glaston et dno abbati Glaston tres solidos annui redditus et medario Glaston duos solidos et sex denarios item archidiacono Well qui pro tempore fuerit singulis annis pro suo sequestro viginti solidos septem solidos et quinque denarios et obolum pro procuracione ipsius duos solidos et sex denarios pro synodatico onera autem extraordinaria sustinebunt dicti abbas et conventus pro duabus porcionibus et vicarius pro tercia porcione Ut autem presens nostra ordinacio robur obtineat firmitatis eidem apponi fecimus nostrum sigillum Dat Glaston tercio Id Februar anno Dni mcclxxx quarto et consecrationis nostre x memorandum quod sub eodem titulo sunt iiii litere de ecclesia de Estbrente tradita ad firmam Item una tangens priorem Bath super appropriacione ecclesie de Doultyng[] et Estbrente Item litera resignacionis Andree Sprynghose tocius iuris quod habuit in ecclesia de Estbrente

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.