Frater Johannes permissione divina Cantuar archiepiscopus tocius Anglie primas dilectis filiis abbati et conventui Glaston ordinis Sancti Benedicti salutem et pacem in Domino sempiternam Inter cetera que nostre cura sollicitudinis cotidiana meditacione revolvit occurrit nobis precipuum ut illorum debeamus providere commodis et quieti quos religionis sanctitas tranquillitas vite et devota caritatis opera Deo reddunt acceptabiles et hominibus graciosos Sane dudum nobis in Bath et Well diocesi ex officii nostri debito visitantibus et ad domum vestram declinantibus humiliter supplicastis ut vobis confirmare quedem bona vestra ecclesiastica dignaremur nos vero advertentes quod et plantare sacram religionem et plantatam fovere modis omnibus debeamus ecclesias de Sowy Murlinch Schapwyk[] Sancti Johannis Glaston Estpennard Doultyng[] Estbrente predicte diocesis ac de Domerham et de Nywton Castel Sar diocesis quas vos inpresenciarum possidere et in proprios usus habere per examinacionem indulgenciarum privilegiorum ac munimentorum vestrorum per nostros commissarios diligenter factam et per nos approbatam invenimus necnon et pensiones quas ab ecclesiis ad patronatum vestrum spectantibus percipitis videlicet ab ecclesiis de Hamme xl sol Sancti Petri de Yvelcestr[] dimidiam marcam de Strete lx sol de Middilton[] x sol de Berwes dimidiam marcam de Wryngton[] xl sol de Dychesyat[] xl sol de Batecombe xx sol de Mell xx sol de Buddecleg[] xx sol de Monketon[] ij marcas de Lymplisham unam marcam de Deverel ij marcas et de Marnhull[] xx sol vobis et successoribus vestris sicut ipsas ecclesias porciones et pensiones iuste et racionabiliter possidetis auctoritate metropolitica confirmamus et ut benevolenciam nostram in qua vos quiescere volumus plenius cognoscatis monasterium vestrum personas vestras et res sub nostra ecclesie nostre ac Beati Thome gloriose martiris proteccione et defensione suscipimus per presentes In cuius rei testimonium presentem paginam sigilli nostri inpressione duximus roborandam Dat apud Mortelak[] iij Id Octobr anno Dni mcclxxxi consecracionis nostre tercio

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.