Universis presentes literas inspecturis Walterus permissione divina Bath et Well episcopus salutem in Dno Noverit universitas vestra quod cum inter nos et capitula ecclesiarum nostrarum Bath et Well ex parte una et religiosos viros Robertum abbatem et conventum monasterii Glaston ex altera facta esset quedam composicio super diversis gravibus et arduis contencionibus et controveriis longissimis retrotemporibus habitis inter predictas ecclesias et monasterium antedictum et super eadem composicione composita esset quedam scriptura in modum cirograffi confecta tam predicti episcopi et capitulorum suorum quam supradictorum abbatis et conventus signata sigillis in qua scriptura continebatur inter cetera hec clausula et si contingat quod persona abbatis qui pro tempore fuerit inplacitetur in quibuscunque comitatibus extra Somerset[] et predictus episcopus per se vel ballivos suos curiam suam de ipso pecierit et optinuerit senescallus episcopi ad hoc specialiter constitutus curiam ipsius episcopi tenebit diebus comitatuum extra loca eorundem comitatuum in eisdem villis et ibi partibus inde iusticiam exhibebit et idem abbas de quibuscunque querelis et placitis ipsius personam tangentibus ibi similiter et non alibi respondebit Ac postmodum nos et predicta capitula nostra ad maiorem pacis et tranquillitatis unionem perpetuo conservandam gratis concesserimus memoratis abbati et conventui et eorum successoribus quod abbas Glaston qui pro tempore fuerit in perpetuum non teneatur ad alteriusmodi sectam in comitatu Somerset[] quam in aliis comitatibus de predicta clausula subtraximus verba subscripta videlicet "extra Somerset[]" et novam inde de novo in forma qua prius predictis dumtaxat verbis demptis procuravimus de communi consensu fieri scripturam que nostro et ipsorum capitulorum nostrorum ac predictorum abbatis et conventus concorditer fuit sigillata sigillis perpetuo duratura et promisimus bona fide quod predictam scripturam primo factam eisdem abbati et conventui restitueremus cancellatam vel cancellandum Nos igitur fidem et veritatem semper salvare volentes supradictam scripturam super predicta composicione primo factam in quam hec verba scilicet "extra Somerset[]" continebantur pro nobis et successoribus nostris et predictis capitulis ac ecclesiis nostris dampnamus cassamus et reprobamus ac eam ubicunque seu apud quoscunque de cetero apparuerit cassam irritam et vacuam esse perpetuo nunciamus ac viribus omnino carere In cuius rei testimonium presenti scripto sigillum nostrum duximus apponendum Dat viij Kal Octobr anno gracie mcclxvi ne recedamus ab ignotis et beneficiorum suffragia defraudentur quia dum tractavimus de hiis que in odium ecclesie ac persecucionem versata sunt que in favorem eius per odiosam personam introducta fuerint pauca hic duximus recitanda quem alterius uti delectabile est

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.