Viris venerabilis fratribus et canonicis d[omi]nis decano thessaurario et subdecano Well[] w[] de Button[] archidiaconus Well[] rector ecclesie de Sowy et w[] de sancto Quintino archidiaconus Tant[] rector ecclesie de Chedeseye salutem in d[omi]no Noveritis quod cum inter nos racione ecclesiarum nostrarum dictarum super decimis quorundam pratorum scilicet Marscallesmede Fougleresmede Leuedymede et Newemede materia questionis aliquamdiu fuerit exorta nos concupientes unanimiter longa licium evitare discrimina de consilio amicorum ordinacioni vestre super ipsis decimis nos et ecclesias nostras predictas sponte simpliciter et absolute submittimus ita quod vos per amicabilem composicionem arbitrium ordinacionem vel quamcunque diffinitionem questioni predicte finem imponatis ratum habituri et gratum quicquid vos super hiis ordinandum providendum arbitrandum vel aliter ad discisionem huiusmodi questionis duxeritis faciendum In cuius rei testimonium presentibus literis sigilla nostra duximus apponenda Dat[] in ebdomada Pasche anno d[omi]ni mcclxiij

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.