Noverint universi presens scriptum inspecturi quod cum quedam controversia mota esset inter Magistrum Henricum Tesson rectorem ecclesie de Nywton[] ex una parte et abbatem et conventum Glaston[] ex altera super omnibus decimis maioribus et minoribus dominici dictorum monachorum in dicto manerio de Nywton[] coram priore Sancte Fredeswyd[] Oxon[] et collegis suis iudicibus a d[omi]no papa delegatis tandem dicta controversia inter dictas partes amicabiliter sic conquievit videlicet quod omnes dicte decime sive bladi sive feni seu ortorum sive molendinorum seu piscariorum seu leguminum seu nutrimentorum animalium et eorum exitus sive quaruncunque rerum aliarum decimalium remaneant in perpetuum dicto rectori et successoribus suis et ecclesie de Nywton[] ita tamen quod idem rector et successores sui dicte ecclesie de Nywton[] solvent singulis annis in perpetuum dictis Abbati et successoribus suis et conventui et ecclesie Glaston[] iij marcas argenti pro bono pacis nomine dictarum decimarum ad ij terminos anni scilicet unam marcam et dimidiam infra quindenam proximam a festo Sancti Michaelis et aliam marcam et dimidiam infra quindenam proximam a die pasche sine omni difficultate dilacione et dolo dictus autem Magister Henricus fideliter procurabit et partes suas interponat quod d[omi]n[u]s episcopus Sar[] et capitulum suum hanc composicionem confirment et sigillis suis corroborent quo magis fiat realis et in perpetuum indissolubiliter observetur Fiet autem prima solucio ad proximam quindenam proximi festi Sancti Michaelis ad maiorem vero securitatem et robur omnium premissorum utraque pars una cum supradictis iudicibus huic scripto in modum cirographi confecto sigilla posuit Hiis testibus Magistro Willelmo decano Magistro Ricardo cancellario Magistro Willelmo subdecano Wellen[] et Magistro Rogero de Runseger[] Rogero et Thoma de Mariscis clericis Rogero Waveyn et aliis Actum anno gracie mccxxxvj in crastino Sanci Andree apostoli apud Well[]

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.