Omnibus Christi fidelibus ad quos presens scriptum pervenerit Willelmus filius Gaufridi salutem in vero salutari Noverit universitas vestra me divine pietatis intuitu et ob recordacionem anime mee et Alicie uxoris mee et omnium parentum et successorum meorum et augmentum gracie michi celitus collate concessisse et donasse fratri Waltero heremite et successoribus suis mansionem illam quam habet de Sprauellissmede cum x acris terre quas predecessor eiusdem Walteri fossato suo inclusit et tantum de pascuis extra fossatum eiusdem loci quantum sufficere possit animalibus suis quibus sustentari possint ipse et successores et eorum servientes habend et tenend in puram et perpetuam elemosinam libere quiete et pace in perpetuum iure perhenni Concedimus eciam predicto Waltero et successoribus suis undecimam partem omnium proventuum molendinorum meorum in manerio meo de Edyngton[] Concedimus insuper de glebis et de alio foallio ad focum predicti Walteri et eius successorum quantum predictis et eorum servientibus possit sufficere competenter Concedimus eciam ut predictus Walterus et eius successores sibi duos fratres Sancte Trinitatis cultores et plures eiusdem conversacionis associent si facultates loci competenter sufficere possint alioquin fratrum numerus abrevietur hac michi et heredibus meis reservata dignitate ut prefato Waltero vel successoribus suis defunctis in nostra sit disposicione quem illorum superstitem loci illius regimini secundum Deum preficere velimus Predictus vero Walterus et eius successores fratres eiusdem loci caritative unum annuale facient pro anima mea post mortem meam et pro anima Alicie uxoris mee post mortem eius et pro animabus heredum meorum post mortem illorum Facta fuit hec donacio anno ab incarnacione d[omi]ni mclxxxxix innovata anno mccxj Et ut hec donacio mea rata et inconcussa permaneat hanc inde cartam sigilli mei attestacione et testium subscripcione corroboravi Hiis testibus Sampsone decano Roberto Scotico Petro presbitero de Walton[] Henrico de Columbario Gaufrido Flandrens[] Rogero de Raale Normanno de Edyngton[] Waltero Byninuo Adam de Chanton[] Willelmo de Role Roberto filio Willelmi Godefrido fratre eius

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.