Omnibus sancte matris ecclesie filiis presentibus et futuris Henricus de Lasci salutem Sciatis omnes quod ego Henricus de Lasci pro amore dei et pro salute anime mee et patris mei Roberti de Lasci et Matildis matris mee et pro animabus omnium antecessorum et heredum meorum feci dedicari ecclesiam sancti Johannis evangeliste in Pontefracto per consilium Rogeri venerabilis Eboracensis archiepiscopi qui eandem ecclesiam consecravit Et concessi et dedi et presenti carta confirmavi prefate ecclesie et monachis meis deo ibidem servientibus finaliter in liberam et puram et perpetuam elemosinam et dotem sexaginta solidos singulis annis quos persolvent eisdem monachis receptores mei de Pontefracto de primis denariis receptis xxx solidos ad pascha ex xxx solidos ad festum sancti Michaelis et passagium de Castelford et in villa Pontisfracti omnes terras et possessiones suas cum omnibus aisiamentis et pasturis ejusdem ville Et item in eadem villa in foro scilicet et extra forum hominibus ejusdem ecclesie manentibus in feudo meo libertatem et quietantiam de omni theloneo et de omni seculari consuetudine Et custodiam hospitalis sancti Nicholay in eadem villa intus et foris ad dispositionem eorum in usus pauperum et singulis annis ad victum et ad vestitum illius monachi qui hoc hospitale custodiet unam marcam argenti et duodecim hopas frumenti et xxiiij avene ad festum sancti Martini de predicto hospitali Item concessi prefatis monachis meis et in die dedicationis ecclesie eorum presenti carta mea confirmavi imperpetuum omnes ecclesias ab antecessoribus meis donatas videlicet ecclesiam omnium sanctorum in Pontefracto cum capellis et terris et decimis et ceteris pertinentiis ecclesiam de Dardingtona cum capella de Stapiltona et cum ceteris pertinentiis Ecclesiam de Kippeis et ecclesiam de Ledeshama et ecclesiam de Sleiteburna cum capellis et terris et decimis et cum omnibus ad eas pertinentibus et Ledestun et medietatem de Ledeshama et Withewdam et Maram et Doddewrdam et Kelinglaiam cum omnibus earum pertinentiis et piscatoriam unam in Bekhala et duas bovatas terre in Torph et duas bovatas terre in Rughala et Estmolendinum in Pontefracto ut hec omnia prefati monachi mei habeant et possideant sine omne impedimento et retenemento mei vel heredum meorum Et ego et heredes mei omnia predicta predicte ecclesie et predictis monachis meis warentizabimus et adquietabimus contra omnes homines sicut nostram puram et perpetuam elemosinam Hiis testibus Rogero venerabili Eboracensi archiepiscopo Jordano Folioth qui dedit prefate ecclesie eadem die unum toftum in Pontefracto et Henrico fratre suo Adam filio Petri et Thoma fratre suo Willelmo de Reinevilla et Adam filio suo Roberto Pictavensi qui dedit prefate ecclesie unam bovatam terre in Altoftis cum pertinentiis et aisiamentis ipsius ville Roberto de Stapiltona Henrico Walensi Petro de Toulestona

Source Fulltext: Chartulary of St. John of Pontefract. Richard Holmes. Yorkshire Archaeological Society, V.25. Yorkshire Archaeological Society. Leeds. 1899.