Reverendo patri in Christo et domino karissimo w[altero] dei gratia Eboracensi archiepiscopo et Anglie primati Johannes de Lascy comes Lincolnie et constabularius Cestrie salutem in domino et tam devotam quam debitam in omnibus reverentiam Vestre paternitati notum facimus quod visis instrumentis et cartis patris mei Rogeri de Lacy et antecessorum meorum deo et sancto Johanni Evangeliste de Pontefracto et monachis meis ibidem deo servientibus super ecclesiam de Kippeis ab eisdem antecessoribus pie collatis aliter se habuit veritas quam credebamus nec quod datum fuisset nobis intelligi Et ideo tam ratione quam pietate mori totum jus et clamium quod nos dicebamus habere in dicta ecclesia de Kippeis eis inperpetuum remisimus Quare paternitatem vestram in quantum scimus et possumus humiliter et devote rogamus quatinus presentatum ab ipsis monachis divino intuitu et nostrarum precum interventu ad presentationem prioris et ipsorum monachorum ad ecclesiam de Kippeis vacantem caritative recipiatis et ipsum non obstante contentione nostra vel mota contradictione ad dictam ecclesiam de Kippeis vacantem benigniter admittatis Tantum si placet inde facientes ut nos vobis et vestris teneamur ad gratiarum actiones Valeat cara paternitas vestra semper in domino Datum apud Rowell feria quarta proxime ante festum sancti Johannis Baptiste Anno domini millesimo ducentesimo tricesimo tertio Reddite litteras eorum Latori

Source Fulltext: Chartulary of St. John of Pontefract. Richard Holmes. Yorkshire Archaeological Society, V.25. Yorkshire Archaeological Society. Leeds. 1899.