T Dei gratia Eboracensis archiepiscopus omnibus sancte matris ecclesie filiis salutem et pontificalem benedictionem Justis postulationibus celerem debemus prebere assensum Inde est quod ad petitionem dilecti filii nostri Roberti de Lascy omnes terras et possessiones tam in ecclesiis quam in ceteris rebus quas priori et monachis de Pontefracto in puram et perpetuam elemosinam contulerat auctoritatis nostre munimine vallamus Scilicet situm monasterii eorum in Pontefracto et terram de Brackanhil et ecclesiam omnium sanctorum in eadem villa cum capella de Knottingley et ecclesiam de Kippeis cum pertinentiis suis et ecclesiam de Dardingtona cum capella de Stapiltona ecclesiam de Sleiteburna cum pertinentiis suis et custodiam plenariam hospitalis sancti Nicholay intus et foris ad dispositionem eorum in usus pauperum et Ledestonam et ecclesiam de Ledeshama cum medietate ipsius ville et Doddewrdam et Withewdam et Maram ita ut quicunque prefatis monachis super hanc confirmationem nostram aliquam injuriam fecerit sciat se maledictionem dei et nostram incurisse Hiis testibus Willelmo de sancta Barba Waltero de Lund Hugone de Sotevaine Radulpho de sancta Columba

Source Fulltext: Chartulary of St. John of Pontefract. Richard Holmes. Yorkshire Archaeological Society, V.25. Yorkshire Archaeological Society. Leeds. 1899.