Universis Christi fidelibus ad quos presens scriptum pervenerit w[alterus] dei gratia Eboracensis archiepiscopus et Anglie primas etiam in domino salutem Noverit universitas vestra quod cum ecclesia de Silkestona per negligentiam prioris et conventus de Pontefracto ad duos jus patronatus ejusdem dinoscitur pertinere ultra tempus in Lateranense concilio statutum vacare contingeret Nos ecclesiam illam cum omnibus pertinentiis suis ejusdem concilii Lateranensis auctoritate dilecto filio magistro Roberto de Wintona canonico Eboracensi intuitu dei contulimus ipsumque in eandem personam canonice instituimus et in corporalem possessionem ejusdem induci fecimus Salva predictis priori et conventui de Pontefracto centum solidorum annua pensione de eadem percipienda Salvo etiam eisdem tanquam patronis jure presentandi ad eandem cum ipsa alias vacare contigit Ut autem hec nostra donatio rata in posterum permaneat et inconcussa eam tam presenti scripto quam sigilli nostri munimine confirmandam duximus et corroborandam Hiis testibus magistro Galfrido de Norwico Godardo capellano magistro Serlone canonicis Eboracensibus Ricardo de Hereford magistro Johanne de Wakeringham Gaufrido de Stanlac et aliis Datum per manum meam apud Otindona xv Kalendas Julii pontificatus nostri anno tertio

Source Fulltext: Chartulary of St. John of Pontefract. Richard Holmes. Yorkshire Archaeological Society, V.25. Yorkshire Archaeological Society. Leeds. 1899.